| e-texts navigator |
| Wylie |
86b1 དང་མཚུངས།། བསྟན་པའི་འབྱུང་གནས་རྫོགས་པའི་ལུང་།། མཁའ་ལྟར་ཁྱབ་ཅིང་ཀུན་ལ་བཞུགས།། སྐྱེ་མེད་ཡེ་ཤེས་རྡོ་རྗེ་སེམས།། ཆོས་སྐུ་ཀློང་ཡངས་པདྨའི་ངང་།། དུས་གསུམ་དུས་མེད་དུས་ཀྱི་དབྱིངས།། ཀུན
86b2 ཏུ་བཟང་པོ་ཆོས་ཉིད་དང་།། དབྱེ་བསལ་བླང་དོར་མེད་པའི་ས།། སྐུ་ནི་ཁམས་གསུམ་ཀུན་ལ་ཁྱབ།། གསུང་ནི་ནམ་མཁའི་ཁམས་སུ་སྦྱོར།། ཐུགས་ནི་རྣམ་པ་ཀུན་མཁྱེན་ཉིད།། ཡོན་ཏན་འཕྲིན་ལས་ཀུན་ལ
86b3 སྣང་།། ཡང་རབ་སྦྱངས་མཐའ་འདིར་རྫོགས་ཕྱིར།། བདེ་ཆེན་ཀློང་གི་རྒྱུད་གསུངས་ཏེ།། མཐར་ཟུག་མེད་པའི་འགྲོ་གང་དག། བྱ་བྲལ་ལམ་ལ་གནས་མཛད་རིགས།། བྱང་ཆུབ་ཀྱི་སེམས་མཁའ་མཉམ་ཀློང་གི་རྒྱུད
86b4 ཆེན་པོ་ལས།། རྒྱུད་ཀྱི་སྙིང་པོ་བསྟན་པའི་ལེའུ་སྟེ་གཉིས་པའོ།། །། དེ་སྐད་གསོལ་པ་གནས་གྱུར་ཏེ།། རྡོ་རྗེ་འཆང་ཆེན་ཆོས་ཀྱི་སྐུ།། རྡོ་རྗེ་སེམས་དཔའ་དཔལ་དང་ལྡན།། རྒྱལ་བ་ཀུན་གྱི་སངས་རྒྱས
86b5 སྐུ།། ནམ་མཁའི་མཐའ་དང་མཉམ་སྦྱོར་བས། ཁམས་གསུམ་འགྲོ་བ་མ་ལུས་ཀུན།། སྙིང་པོར་རང་བྱུང་མ་རྟོགས་ཕྱིར།། མཐའ་ཐུག་མེད་པའི་མུན་པར་འཁྱམས།། དེ་རྟོགས་བྱ་ཕྱིར་ལེགས་པར་བཤད།། ལེགས་སོ།
86b6 རང་བྱུང་སེམས་དཔའ་ལེགས།། རྒྱུད་ཀྱི་དོན་བསྡུས་སྙིང་པོ་ལེགས།། མི་འགལ་དོན་དང་འཐུན་པ་ལེགས།། དེ་ཕྱིར་ངེས་པར་ལེགས་སོ་ལེགས།། ཀུན་གྱི་རྒྱུ་རྐྱེན་ལྔ་བྱུང་བ།། དེ་ཉིད་རང་བྱུང་བདག་ཉིད
iiif viewer powered by OpenSeadragon
