| e-texts navigator |
| Wylie |
85a1 མཉམ།། འགྱུར་བ་མེད་པའི་ཆོས་ཀྱི་སྐུ།། ཐིག་ལེ་གཅིག་གི་རང་བཞིན་པས།། སྤྲོ་བ་མེད་ཅིང་བསྡུ་བ་མེད།། སྐུ་གསུང་ལྔ་སོགས་རྣམ་གྲངས་ཀྱང་།། བདེ་ཆེན་སེམས་ཉིད་ཀློང་གི་ངང་།། སྐུ་དང
85a2 གསུང་ཐུགས་ཟབ་མོ་ཡང་།། སྤྲོས་པ་མེད་པའི་ཐིག་ལེར་གཅིག། སྟོན་པ་དཔག་མེད་རྒྱས་པ་ཡང་།། གནས་ནི་དེ་བཞིན་དབྱིངས་ཉིད་དང་།། འཁོར་ནི་གྲངས་མེད་རྡུལ་སྙེད་དང་།། དུས་ནི་དབྱིངས་ཉིད་རང་སྣང
85a3 ངདང་།། སྡུད་པ་དབྱིངས་འདུས་བདེ་ཆེན་དང་།། བསྟན་པ་ཁྱབ་གད་ལ་རྫོགས་པའི་ངང་།། སྟོང་ཆེན་རབ་འབྱམ་མཁའ་མཉམ་ཀློང་།། ཞུགས་པ་མེད་པས་སླར་མི་ལྡོག། དེ་ཕྱིར་སྟོན་པ་གནས་དུས་ང་།། བཤད་པའི
85a4 ཆོས་ང་ཉན་པ་ང་།། ང་ལས་ང་སྣང་ང་འགག་མེད།། ངས་བྱས་ངར་འདུས་ང་ལ་རོལ།། ཨེ་མའོ།། རང་བྱུང་འོད་གསལ་མ་བྱས་དེ་བཞིན་དབྱིངས་ཉིད་བཅོས་མེད་སྙིང་པོ་ང་།། གདོད་ནས་བསྒྲིབས་མེད་དགེ་སྡིག
85a5 ལས་ཀྱིས་བཅོས་མེད་བདག་ཉིད་རྫོགས་ཆེན་ཀློང་།། མཉམ་དང་མི་མཉམ་རང་བྱུང་དག་པ་ཆོས་དབྱིངས་ཡེ་ཤེས་མཁའ་མཉམ་ཀློང་།། གང་ཡང་མ་ཡིན་གང་དུའང་མ་འགག་པ་བདེ་ཆེན་ཀུན་གཞི་ཟབ་མོའི
85a6 ཀློང་།། ཧོ་བྱང་ཆུབ་ཀྱི་སེམས་མཁའ་མཉམ་ཀློང་གི་རྒྱུད་ཆེན་པོ་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་གསང་བདག་སྟོབས་པོ་ཆེ།། སྙིང་པོ་བྱང་ཆུབ་དཔལ་ལྡན་སྐུ།། རྡོ་རྗེ་འཆང་ཆེན་རྡོ་རྗེ་སེམས
iiif viewer powered by OpenSeadragon
