| e-texts navigator |
| Wylie |
83a1 བཟང་པོ། རང་བཞིན་གྱིས་ལྷུན་གྱིས་གྲུབ་པ་མི་འགྱུར་བར་གནས་པའི་དོན་ཇི་ལྟར་འགྱུར་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ལྷག་མ་མེད་པས་ཡོངས་སུ་རྫོགས། འགྱུར་བ་མ་ཡིན
83a2 དྲང་པོར་གནས།། ནམ་མཁའ་བཞིན་དུ་མཉམ་འགྱུར་ཞིང་།། གཞན་ལས་སྟོབས་འགྱུར་ཆོས་མ་ཡིན།། མཚུངས་པ་མེད་པའི་ཡེ་ཤེས་ཀྱི།། ལྷུན་གྱིས་གནས་པའི་བདེ་ཆེན་དེ།། རང་གི་མཐུ་ཡིས་རིག་པ་ལས།། ཆོས
83a3 ནི་གཞན་ནས་འབྱུང་མི་འགྱུར།། སླ་ཞིང་དཀའ་ལ་སླ་ཕྱིར་དཀའ། མངོན་གསུམ་མི་གནས་ཀུན་ཏུ་ཁྱབ།། མངོན་སུམ་འདི་ཞེས་བརྟན་པར་ནི།། རྡོ་རྗེ་སེམས་དཔས་མཚོན་དུ་མེད།། ཅེས་བཀའ་སྩལ་ཏོ།། ཆོས་ཉིད
83a4 ཀུན་ཏུ་མི་འགྱུར་བར་བསྟན་པའི་ལེའུ་སྟེ་སུམ་ཅུ་གཅིག་པའོ།། །། འཁོར་གྱི་དེ་བཞིན་གཤེགས་པ་རྣམས་ཀྱི་ཡང་གསོལ་པ། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ། རྣམ་པར་རྟོག་པའི
83a5 དགའ་བ་ལ་ཆགས་ན་སྐྱོན་དུ་འགྱུར་བ་མཆིས་ལགས་སམ།། ཞེས་གསོལ་པ་དང་།། བཅོམ་ལྡན་འདས་ཀྱིས་བཀའ་སྩལ་པ། ངོ་མཚར་རྨད་བྱུང་རོལ་པ་འདི།། བྱ་བྲལ་ནམ་མཁའ་ཇི་བཞིན་ཏེ།། ཅིར་ཡང་མི
83a6 དམིགས་གཏི་མུག་ལས།། དེ་མ་ཐག་ཏུ་རང་ལས་འབྱུང་།། འདི་ནི་སེམས་ཅན་མཚངས་པའི་ལམ།། འགྲོ་བ་ཀུན་ལ་རང་བཞིན་གནས།། བྱིས་པས་བསླད་པའི་འཁྲུལ་བའི་ཕྱིར།། སྨན་ཉིད་སྨན་པ་འཚོལ་བ
iiif viewer powered by OpenSeadragon
