| e-texts navigator |
| Wylie |
82b1 མཉམ་བཞག་སྔགས་ཚིག་གོ། ཞེས་བཀའ་སྩལ་ཏོ།། གཏོར་མ་ལ་སོགས་པའི་ལས་རྒྱ་མཚོ་བྱ་མི་དགོས་པར་མཉམ་པར་བཞག་པས་འགྲུབ་པར་བསྟན་པའི་ལེའུ་སྟེ་ཉི་ཤུ་བརྒྱད་པའོ།། །། ཡང་འཁོར་གྱི་དེ
82b2 བཞིན་གཤེགས་པ་རྣམས་ཀྱིས་གསོལ་པ། བཅོམ་ལྡན་འདས་དེ་བཞིན་བཤེགས་པ་ཀུན་ཏུ་བཟང་པོ། གཏོར་མ་ལ་སོགས་པའི་ལས་བྱས་པས་ཉོན་མོངས་པར་འགྱུར་བ་མཆིས་སམ་མ་མཆིས།། ཞེས་གསོལ་པ
82b3 དང་།། བཅོམ་ལྡན་འདས་ཀྱིས་བཀའ་སྩལ་བ།། བླ་མ་མཆོད་དང་གཏོང་བ་དང་།། དེ་བཞིན་བསོད་ནམས་ཐམས་ཅད་དང་།། མ་ཆགས་མི་གཡོའི་སེམས་མེད་ན།། བྱས་ན་འཆིང་བ་ཆེན་པོར་འགྱུར།། ཞེས་བཀའ
82b4 སྩལ་ཏོ།། གཏོར་མ་ལ་སོགས་པའི་ལས་བྱས་ན་ཉོན་མོངས་འཆིང་བ་ཆེན་པོར་བསྟན་པའི་ལེའུ་སྟེ་ཉི་ཤུ་དགུ་པའོ།། །། ཡང་འཁོར་གྱི་དེ་བཞིན་གཤེགས་པ་རྣམས་ཀྱིས་གསོལ་བ། བཅོམ་ལྡན་འདས་དེ་བཞིན
82b5 གཤེགས་པ་ཀུན་ཏུ་བཟང་པོ། རང་བཞིན་ལྷུན་གྱིས་གྲུབ་པ་ལགས་སམ། ཞེས་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལ་དེ་བྱར་སྒྲིབ་པར་འགྱུར།། ཇི་ལྟར་དེ་ལ་དེ་རྟོགས་ན།། དེ་ལ་དེ་ཉིད
82b6 གྲུབ་པ་མེད།། ཅེས་བཀའ་སྩལ་ཏོ།། རང་བཞིན་ལྷུན་གྱིས་གནས་པའི་ལེའུ་སྟེ་སུམ་ཅུ་པའོ།། །། འཁོར་གྱི་དེ་བཞིན་གཤེགས་པ་རྣམས་ཀྱི་ཡང་གསོལ་བ། བཅོམ་ལྡན་འདས་དེ་བཞིན་གཤེགས་པ་ཀུན་ཏུ
iiif viewer powered by OpenSeadragon
