| e-texts navigator |
| Wylie |
81b1 ཞེས་གསོལ་པ་དང་། བྷ་ག་ཝན་གྱིས་བཀའ་སྩལ་པ། གོ་བའི་ཡུལ་ན་བདེ་བ་ཆེ།། འདི་ཉིད་རྣམ་དག་འཇིག་རྟེན་ཡིན།། དེ་ལ་ཕྱོགས་ཀྱི་འོད་འདུས་པས།། ཕྱོགས་བཞི་མཚམས་དང་བླ་འོག་འགྲུབ།། མ་ངེས་འཇའ
81b2 ཚོན་ཁ་དོག་ལས།། རིགས་ཀྱི་ཁྱད་པར་མངོན་དུ་སྣང་།། དེ་བཞིན་གཡོ་རྡུལ་མི་གཡོ་བར།། འབྱུང་བ་ལྔ་ལས་གཙོ་ཆེན་ཡིན།། ཞེས་བཀའ་སྩལ་ཏོ།། འགྲོ་བ་ཐམས་ཅད་རང་བཞིན་གྱིས་སངས་རྒྱས་པའི་ལེའུ་སྟེ་ཉི
81b3 ཤུ་ལྔ་པའོ།། །། ཡང་འཁོར་གྱི་དེ་བཞིན་གཤེགས་པ་རྣམས་ཀྱིས་ཡང་གསོལ་བ། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ། འགྲོ་བ་ཐམས་ཅད་རང་བཞིན་གྱིས་སངས་རྒྱས་པ་ལ། ཚོགས
81b4 དབུལ་བ་དང་རང་བཞིན་གྱིས་ཡོངས་སུ་རྫོགས་པ་མཆིས་སམ་མ་མཆིས། ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འདས་དང་མ་བྱོན་ད་ལྟར་གྱི།། ཐ་སྙད་མིང་ལ་མི་གནས་ཏེ།། སྐྱེ་འགག
81b5 མེད་པ་རྣམ་བརྟགས་ན།། འདི་ནི་དུས་གསུམ་ཆེན་པོར་སྦྱོར།། མཉམ་པའི་རིག་པས་བཀོད་པ་མེད།། གཅིག་པའི་ཕྱོགས་སུ་བསྔོ་དང་བྲལ།། ཚོགས་ཀྱི་རྒྱན་དུ་དགྲམ་པ་ཡང་།། རང་བཞིན་གནས་པས་འདྲིམ་པ
81b6 མེད།། ལྷུན་གྱིས་གནས་པས་མི་བསྔོ་ཞིང་།། གདོད་ནས་དག་པས་བདུད་རྩི་ཡིན།། འདུ་བྱེད་བཅུ་གཉིས་ཁྱད་པར་དུ།། རང་བཞིན་ལྷུན་གྱིས་གྲུབ་པ་ལ།། སྐུ་གསུམ་ཡེ་ཤེས་ཤར་བས་ན།། ལྷག་པའི་བསམ་པས
iiif viewer powered by OpenSeadragon
