| e-texts navigator |
| Wylie |
79a1 གསོལ་པ། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ། བྱང་ཆུབ་ཀྱི་སེམས་བདག་ཉིད་ཆེན་པོ་དེ། རང་ལས་ཡེ་ཤེས་བྱུང་བ་ལགས་སམ་མ་ལགས། ཞེས་གསོལ་བ་དང་། བཅོམ་ལྡན
79a2 འདས་ཀྱིས་བཀའ་སྩལ་པ། འདོད་ཆགས་ཞེ་སྡང་གཏི་མུག་ཀྱང་།། བྱང་ཆུབ་ཆེན་པའི་ལམ་ལས་བྱུང་།། ཀུན་སྤྱོད་ཡོད་ཏན་རྣམ་ལྔ་ཡང་།། ཆོས་ཉིད་མ་སྐྱེས་ཉིད་ཀྱི་རྒྱན།། ཅེས་བཀའ་སྩལ་ཏོ།། ཡེ་ཤེས་ཆེན་པོ
79a3 རང་ལས་བྱུང་བའི་ལེའུ་སྟེ་བཅུ་དྲུག་པའོ།། །། ཡང་འཁོར་གྱི་དེ་བཞིན་གཤེགས་པ་རྣམས་ཀྱིས་གསོལ་པ།། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ། ཐབས་དང་ཤེས་རབ་གཉིས་སུ་མེད
79a4 པའི་ལྟ་བ་དང་། ཡོངས་སུ་རྫོགས་པའི་དགོངས་པའི་དོན་ཇི་ལྟར་བུ་ལགས། ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་བ། ནམ་མཁའི་རྟོག་པ་སྐྱེ་མེད་ཅིང་།། རྟོག་པ་དེ་ཉིད་ནམ་མཁའ་འདྲ།། མ
79a5 ཆགས་ནམ་མཁའ་སྔོ་བ་ལགས།། རང་དོན་ཆེན་པོ་ནམ་མཁའ་འབྱུང་།། ཞེས་བཀའ་སྩལ་ཏོ།། ཡོངས་སུ་རྫོགས་པ་དང་སྦྱོར་ཟབས་ཀྱི་ལེའུ་སྟེ་བཅུ་བདུན་པའོ།། །། ཡང་འཁོར་གྱི་དེ་བཞིན་གཤེགས་པ
79a6 རྣམས་ཀྱིས་གསོལ་བ། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ། ཐབས་དང་ཤེས་རབ་ཀྱི་སྦྱོར་ཐབས་ཆགས་པ་དང་བྲལ་བ་ལགས་སམ་མ་ལགས། ཞེས་གསོལ་བ་དང་། བཅོམ་ལྡན་འདས་ཀྱིས
iiif viewer powered by OpenSeadragon
