| e-texts navigator |
| Wylie |
78a1 ཉིད་གདོད་མ་ནས་མ་སྐྱེས་པ་སྟེ། མཆོག་ཏུ་གསང་བའི་ཆོས་ཉིད་ནི།། རྣ་དབང་གཞན་ལ་ཟོས་མི་འགྱུར།། དེ་བཞིན་ལྕེ་ཡི་དབང་པོས་ཀྱང་།། དེ་ལ་བརྗོད་དུ་རྡུལ་ཙམ་མེད།། ཅེས་བཀའ་སྩལ
78a2 ཏོ།། རང་གི་བྱང་ཆུབ་ཀྱི་སེམས་བརྗོད་པ་དང་བྲལ་བའི་ལེའུ་སྟེ་བཅུ་གཉིས་པའོ།། །། ཡང་འཁོར་གྱི་དེ་བཞིན་གཤེགས་པ་རྣམས་ཀྱིས་གསོལ་བ། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ།།
78a3 རང་གི་བྱང་ཆུབ་ཀྱི་སེམས་དེ་ལས་ཀྱིས་འཁོལ་བ་ལགས་སམ། མི་འཁོལ་བ་ལགས། ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འགྲོ་བའི་སྡུག་བསྔལ་བྱང་ཆུབ་སེམས།། ཀུན་ཏུ་ཆུབ་པས་རྣམ
78a4 པར་རོལ།། དེ་ལ་བསྐྱེད་པ་མེད་བཞིན་དུ།། ནམ་མཁའི་མཐའ་དང་མཉམ་པར་གནས། ཁྱད་པར་ཅིར་ཡང་མཚུངས་པ་ལ།། ལས་སོ་ཞེས་ནི་རྣམ་པར་བཏགས།། ཅི་སྟེ་ལས་ཀྱི་དབང་གྱུར་ན།། རང་བྱུང་ཡེ་ཤེས
78a5 ཡོད་མ་ཡིན།། རྒྱུ་ཉིད་རྡོ་རྗེ་རྐྱེན་དང་འདྲ།། མ་སྐྱེས་པས་ན་འཇིག་པ་མེད།། གདོད་ནས་སྙིང་པོ་བྱང་ཆུབ་ལ།། རྩལ་བའི་བསམ་པས་དབྱིངས་མི་བསྐྱོད།། བྱང་ཆུབ་ཀྱི་སེམས་འགྲོ་བ་ལས་ཀྱིས་མི་འཁོལ་བའི་ལེའུ
78a6 སྟེ་བཅུ་གསུམ་པའོ།། །། ཡང་འཁོར་གྱི་དེ་བཞིན་གཤེགས་པ་རྣམས་ཀྱིས་གསོལ་པ། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ། བྱང་ཆུབ་ཀྱི་སེམས་རྩོལ་སེམས་དང་བྲལ་བ་དེ་རེ་བ་འཇོག་པ
iiif viewer powered by OpenSeadragon
