| e-texts navigator |
| Wylie |
77b1 བཞིན་དེ་མི་འབྱུང་།། བྱ་བཙལ་དང་བྲལ་བའི་ལེའུ་སྟེ་བཅུ་པའོ།། །། བཅོམ་ལྡན་འདས་ལ། འཁོར་གྱི་དེ་བཞིན་གཤེགས་པ་རྣམས་ཀྱིས་གསོལ་པ། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ།།
77b2 ཆོས་ཉིད་རང་བཞིན་གྱིས་གནས་པའི་དོན་ཇི་ལྟར་ལགས། ཞེས་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། འཁོར་གྱི་དེ་བཞིན་གཤེགས་པ་རྣམས། ཆོས་ཉིད་རང་བཞིན་གྱིས་གནས་པ་ནི། རྡོ་རྗེ
77b3 སེམས་དཔའ་ནམ་མཁའ་ཆེ།། ཀུན་བཟང་ཡངས་པ་ཆོས་ཀྱི་དབྱིངས།། རྣམ་དག་ལམ་ཆེན་ཀུན་སྒྲོལ་ཕྱིར།། མི་སྐྱེ་མི་འགག་ཅིར་མི་དགོངས།། བྱམས་པས་དོན་ཉིད་རྣམ་སྦྱང་ཕྱིར།། སྙིང་རྗེ་ཆེན་པོ་ཅིར་མི
77b4 མཛད།། ཆེ་བ་ཆེ་བའི་ཟབ་མོ་ཉིད།། ཡོན་ཏན་ཅིར་ཡང་བསྔགས་པ་མེད།། དོན་རྣམས་ཇི་བཞིན་མི་བསྐྱེད་དེ།། བྱ་བ་མེད་པས་གྲོལ་བ་དགྲོལ།། རང་བྱུང་ཡེ་ཤེས་བཙལ་མེད་པས།། གྲོལ་ནས་གྲོལ་བའི་ལམ་ཡང
77b5 སྟོན།། ཆོས་ཉིད་རང་བཞིན་གྱིས་གནས་པའི་ལེའུ་སྟེ་བཅུ་གཅིག་པའོ།། །། ཡང་འཁོར་གྱི་དེ་བཞིན་གཤེགས་པ་རྣམས་ཀྱིས་གསོལ་པ། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ། རང་གི་བྱང
77b6 ཆུབ་ཀྱི་སེམས་བརྗོད་པ་དང་བྲལ་བའི་དོན་ཇི་ལྟར་ལགས། ཞེས་གསོལ་བ་དང་། འཁོར་གྱི་དེ་བཞིན་གཤེགས་པ་རྣམས་ལ་བཀའ་སྩལ་པ། རང་གི་བྱང་ཆུབ་ཀྱི་སེམས་བརྗོད་པ་དང་བྲལ་བ་ནི། ཀུན་གཞིའི་ཆོས
iiif viewer powered by OpenSeadragon
