| e-texts navigator |
| Wylie |
77a1 པ་རྣམས། སངས་རྒྱས་ཀྱི་ཆེ་བའི་ཡོན་ཏན་སྟོབས་དང་མི་འཇིགས་པ་ལ་སོགས་པ་ནི། ཐེག་པ་འོག་མ་པའི་སྐབས་ཉིད་ཀྱང་། རྫོགས་པ་ཆེན་པོ་བྱ་བཙལ་དང་བྲལ་བ་དེ་ཉིད་བྱ་བཙལ་བྱ་བའི་དཀའ
77a2 བླས་མེད་པར་རྫོགས་པ་ཆེན་པོའི་དོན་རྟོགས་པ་ཟག་ཏུ། བྱ་བཙལ་དང་བྲ་བའི་རྫོགས་པ་ཆེན་པོ་རང་ལས་བྱུང་ངོ་།། ཞེས་བཀའ་སྩལ་ཏོ།། ཡང་འཁོར་གྱི་དེ་བཞིན་གཤེགས་པ་རྣམས་ཀྱིས་གསོལ་པ། བཅོམ་ལྡན
77a3 འདས་རྫོགས་པ་ཆེན་པོའི་དོན་དེ། མ་འོངས་པའི་རྣལ་འབྱོར་གྱིས་བསྒོམ་ན་ཇི་ལྟར་བསྒོམ། བཅོམ་ལྡན་འདས་ཀྱིས་བཀའ་སྩལ་པ། འཁོར་གྱི་དེ་བཞིན་གཤེགས་པ་རྣམས། རྫོགས་པ་ཆེན་པོའི་དོན་མ་འོངས་པའི
77a4 རྣལ་འབྱོར་པས་བསྒོམ་ན་ཆོས་ཉིད་གདོད་མ་ནས་མ་སྐྱེས་པ་ལ་རང་གི་བློ་མ་སྐྱེས་པ་བཞག་ནས་བསྒོམ་པ་ཡིན་ནོ།། ཡང་འཁོར་གྱི་དེ་བཞིན་གཤེགས་པ་རྣམས་ཀྱིས་གསོལ་པ། བཅོམ་ལྡན་འདས་ཆོས་ཉིད་མ
77a5 སྐྱེས་པར་བཞག་པ་ལས། ཆོ་འཕྲུལ་ཆེན་པོ་སྟོབས་དང་མི་འཇིགས་པ་ལ་སོགས་པ་ཇི་ལྟར་འབྱུང་བ་ལགས། ཞེས་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། ཆོ་འཕྲུལ་ཆེན་པོ་དཀའ་བ་མིན།། ཡོན
77a6 ཏན་ཀུན་དང་སྟོབས་ཀྱི་རྣམས།། ཇི་བཞིན་རྟོག་པ་ཕྲ་བ་ཡིས།། དེ་མ་ཐག་ཏུ་རང་ལས་འབྱུང་།། སྣང་བ་མེད་པའི་ཆོས་ཉིད་ལ།། མ་བཙལ་བཞག་ན་བསྒོམ་པ་ཡིན།། དེ་དང་དེར་ནི་རྣམ་བཙལ་ན།། དེ་ལས་དེ
iiif viewer powered by OpenSeadragon
