| e-texts navigator |
| Wylie |
75a1 ཨ་རུ་བཏགས།། རྒྱ་སྡུས་བཞི་ནི་ཊ་ཏ་དང་།། ཌ་ད་དང་ནི་ཌྷ་དྷ་དང་། ན་ཎ་བཞིན་ནི་ཤེས་པར་བྱ།། ཀ་ཁ་དང་ནི་ག་གྷ་དང་།། པ་ཕ་དང་ནི་བ་བྷ་བརྒྱད།། མིག་རྩ་གཉིས་དང་སྣ་རྩ་གཉིས།། ལྕེ་རྩ
75a2 གཉིས་དང་རྣ་རྩ་གཉིས།། རྣམ་ཤེས་བཞི་དང་དབང་པོ་གཟུགས་ཅན་བཞི།། མིག་དང་རྣ་བ་སྣ་དང་ལྕེ།། དབང་པོ་བཞི་ཡི་རྩ་ལ་ནི། ཙ་ཚ་ཛ་ཛྷ་བཞི་དང་ནི།། ཡ་ར་དང་ནི་ཝ་ལ་བཞི།། གསང་བའི་དབང་པོ་ལིང
75a3 གའི་རྩ།། ང་ཉོ་མ་ཨོཾ་བཞི་དང་ནི། ཤ་ཥ་ས་ཧ་བཞི་པོ་དང་།། དེ་དག་ཁ་དོག་དབྱིབས་ཀྱི་ཚུལ།། རྩ་རྣམས་ཡི་གེའི་ཚུལ།། རྩ་རྣམས་ཡི་གེའི་ཚུལ་དུ་གནས་པའི་ལེའུ་སྟེ་ལྔ་པའོ།། །། དེ་ནས་ཡང་འཁོར་གྱི་བཅོམ
75a4 ལྡན་འདས་དེ་བཞིན་གཤེགས་པ་རྣམས་ཀྱིས། བཅོམ་ལྡན་འདས་དེ་བཞིན་གཤེགས་ཀུན་ཏུ་བཟང་པོ་ལ་གསོལ་པ། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ། སེམས་ཅན་ཐམས་ཅད་ཀྱི་རང
75a5 བཞིན་ཇི་ལྟ་བུར་གནས་པ་ལགས། ཞེས་གསོལ་བ་དང་། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོས་བཀའ་སྩལ་པ། བཅོམ་ལྡན་འདས་འཁོར་གྱི་དེ་བཞིན་གཤེགས་པ་རྣམས་ཉོན་ཅིག། འབྱུང་བ
75a6 ཆེན་པོ་བཅོམ་ལྡན་འདས།། ཆུབ་པར་གནས་པས་བཅོམ་ལྡན་འདས།། འགྲོ་བ་ཀུན་ལ་རང་བཞིན་གནས།། ཡེ་ནས་རྒྱལ་བའི་དཀྱིལ་འཁོར་ཉིད།། ཕྱིན་ཅི་ལོག་ཏུ་རྣམ་བཏགས་ཀྱང་།། གྲོལ་བ་རང་བྱུང་གཞན
iiif viewer powered by OpenSeadragon
