| e-texts navigator |
| Wylie |
74b1 མར་རྩ་རྣམས་སྲིད་པར་ཆགས།། སྲིད་པ་གནས་དང་ཆགས་པ་དང་།། ཚེ་འཕོས་པ་ནི་འཇིག་པའི་རྩ།། ཞིག་པས་སྟོངས་པར་གྱུར་པའི་རྩ།། དུས་བཞི་ལྷ་མོའི་རྩ་རུ་ཤེས།། སྲིད་པ་སྦྱོར་ཚེ་རེག་པར་ཤེས།། དེ་ན
74b2 དབང་པོ་ལོང་གའི་རྩ།། རེག་བྱའི་མཚན་ཉིད་གང་ཡིན་ཤེས།། དེ་ནི་ལུས་ཀྱི་དབང་པོ་རྩ།། རེག་བྱ་རང་གི་ངོ་བོ་ཉིད།། ལུས་ཀྱི་རྩ་རུ་ཤེས་པར་བྱ།། ཉམས་སུ་མྱོང་བའི་མཚན་ཉིད་དེ།། ཡུལ་དང་དབང་པོ་རྣམ་ཤེས
74b3 གསུམ།། འདུས་པ་ལས་ནི་བྱུང་བའི་རྩ།། རྩ་རྣམས་མ་ལུས་མུ་སྟེགས་པས།། བདག་ཏུ་བཏགས་པ་མ་ཡིན་དང་།། རྟག་པར་བཏགས་པ་མ་ཡིན་དང་།། ཆད་པར་བཏགས་པ་མ་ཡིན་དང་།། མཚན་མར་བཏགས་པ
74b4 མ་ཡིན་པ།། དེ་ནི་ལུས་ཀྱི་རྩ་རྣམས་ཡིན།། རྩའི་ལེའུ་སྟེ་བཞི་པའོ།། །། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་རྣམས་ཀྱིས་གསོལ་པ། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ།།
74b5 རྩ་དེ་རྣམས་ཚུལ་ཇི་ལྟར་གནས་པ་ལགས། ཞེས་གསོལ་པ་དང་། བཅོམ་ལྡན་འདས་ཀྱིས་འཁོར་གྱི་དེ་བཞིན་གཤེགས་པ་རྣམས་ཉོན་ཅིག། སེང་དཀར་རྩ་ནི་སྒྲིལ་མ་ལ།། ཨ་དང་ཀྵ། བདེ་ཆེན་རྩ་ཡི་ཚུལ་ལ
74b6 གནས།། སྲོག་པ་རྩ་ནི་སྒྲིལ་མ་ལ།། མི་བསྐྱོད་རྩ་དང་ཀུན་བཟང་རྩ།། ཐ་དང་ཀྵ་རུ་ཤེས་པར་བྱ།། རྩ་གཉིས་པ་ཡི་རང་བཞིན་ཏེ།། རྡོ་རྗེ་དབྱིངས་ཀྱི་དབང་ཕྱུག་མ།། ཀུན་ཏུ་བཟང་པོའི་རྩ་ཤེས་བྱ།། དེ་ཡང་ཐ་དད
iiif viewer powered by OpenSeadragon
