| e-texts navigator |
| Wylie |
73a1 ཕྱག་དྲུག་གིས་ནོར་བུ་རིན་པོ་ཆེ་འོད་འབར་བ་ཟུར་བརྒྱད་པ་འཛིན་པ་སྟེ། ཡུམ་ཀུན་ཏུ་བཟང་མོ་དང་གཉིས་སུ་མེད་པར་འོག་མིན་གྱི་གནས་མཐའ་དང་དབུས་མེད་པ་ཡུམ་གྱི་གཞལ་ཡས་ཁང་ན།
73a2 གདན་གླང་པོ་ཆེ་ལ་སོགས་པའི་སྟེང་ན་པདྨ་དང་ཉི་ཟླ་བརྩེགས་པའི་གདན་ལ།། རྡོ་རྗེ་སེམས་དཔའ་ལ་སོགས་པའི་དེ་བཞིན་གཤེགས་པ་རྣམ་པར་སྣང་མཛད་དང་། དཀོན་མཆོག་འབྱུང་གནས་དང་། སྣང་བ་མཐའ
73a3 ཡས་དང་། གདོན་མི་ཟ་བར་གྲུབ་པ་ལ་སོགས་པ་བཙུན་མོ་དང་བཅས་པ་དང་། འཁོར་གྱི་བྱང་ཆུབ་སེམས་དཔའ་སའི་སྙིང་པོ་དང་། ནམ་མཁའི་སྙིང་པོ་དང་། འཇིག་རྟེན་དབང་ཕྱུག་དང་། ཕྱག་ན་རྡོ་རྗེ་ལ་སོགས
73a4 པ་བཙུན་མོ་དང་བཅས་པ་དང་།། བྱང་ཆུབ་སེམས་དཔའ་བྱམས་པ་དང་།། ཀུན་ཏུ་བཟང་པོ་དང་། སྒྲིབ་པ་རྣམ་པར་སེལ་བ་དང་། འཇམ་པའི་དབྱངས་ལ་སོགས་པ་བཙུན་མོ་དང་བཅས་པ་དང་། གཞན་ཡང་ཁྲོ་བོ
73a5 ཆེན་པོ་གཤིན་རྗེ་གཤེད་པོ་དང་། སྟོབས་པོ་ཆེ་དང་། རྟ་མགྲིན་དང་། བདུད་རྩི་འཁྱིལ་པ་ལ་སོགས་པ་བཙུན་མོ་དང་བཅས་པ་དང་ཐབས་ཅིག་ཏུ་བཞུགས་སོ།། གླེང་གཞིའི་ལེའུ་སྟེ་དང་པོའོ།། །། དེ་ནས་རྡོ།
73a6 རྗེ་སེམས་དཔའ་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱིས། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀུན་ཏུ་བཟང་པོ། བདག་ཉིད་ཆེན
iiif viewer powered by OpenSeadragon
