| e-texts navigator |
| Wylie |
72b1 དང་ཡི་གེར་བྲི་ལས་འདས་པས་དུས་ཀྱི་ཐ་མ་ལ་འབྱུང་ཡང་སྲིད།། མི་འབྱུང་ཡང་སྲིད། འབྱུང་ན་ཡང་གང་ཟག་གཅིག་ལ་འབྱུང་ལ།། དེ་གང་དང་ཡང་མ་བྲལ་བའོ།། དེ་འབྱུང་བའི་ཚེ་མི་དམིགས་པའི་སྟོབས་དང་།
72b2 མི་དམིགས་པའི་ཤེས་རབ་དང་།། མི་དམིགས་པའི་བཏང་སྙོམས་དང་། མི་དམིགས་པའི་རིག་པ་རང་གསལ་ཏེ་མི་ཡུལ་ཐམས་ཅད་མ་སྐྱེས་པའི་ཆོས་ཉིད་ལས་རང་བཞིན་གྱིས་མི་འདའ་བ་དང་།། རང་བཞིན་གྱིས
72b3 མི་ཉམས་པ་དང་། རང་བཞིན་གྱིས་ཕྱོགས་མེད་པར་གྱུར་ཏོ།། རྒྱུད་འདི་ཐོས་པའི་སེམས་ཅན་ཐམས་ཅད་ཀུན་ཏུ་བཟང་པོའི་རང་བཞིན་དུ་གྱུར་ནས་འདའ་བ་མེད་པའི་སངས་རྒྱས་སུ་གྱུར་ཏོ།། རྒྱུད་འདི་ཐོས་པའི
72b4 ཡིད་རང་བྱུང་ཡེ་ཤེས་སུ་གྱུར་ནས། གཉིས་སུ་མེད་པ་མ་བཙལ་བའི་ཐིག་ལེར་གྱུར་ཏོ།། རྡོ་རྗེ་སེམས་དཔའ་ལ་སོགས་པའི་འཁོར་རྣམས་རྗེས་སུ་རང་ངོ་།། རྒྱུད་ཡོངས་སུ་གཏད་པའི་ལེའུ་སྟེ་ཉེར་ལྔ
72b5 པའོ།། །། རྒྱལ་པོ་རྒྱས་རྒྱུད་སྙིང་པོར་གྱུར་པའོ།། རྫོགས་སོ།། །། རྒྱ་གར་སྐད་དུ།། བཛྲ་སཏྭ་ག་ག་ས་མེ་མ་ཧཱ་ཏནྟྲ་ནཱ་མ། བོད་སྐད་དུ། རྡོ་རྗེ་སེམས་དཔའ་ནམ་མཁའ་ཆེའི་རྒྱུད་ཅེས་བྱ་བ། དཔལ་རྡོ་རྗེ
72b6 སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོ་སྐུ་མདུན་དང་རྒྱབ་མེད་པ། རྣམ་པར་ཐར་པའི་དབུ་གསུམ་དང་ལྡན་པ།
iiif viewer powered by OpenSeadragon
