| e-texts navigator |
| Wylie |
53b1 བོ་དེ།། སྤྱོད་དང་ལྷ་དང་འཇུག་རྩོལ་མེད།། གང་ལའང་འབྱེད་པ་མེད་པས་ན།། རང་བྱུང་ཡེ་ཤེས་རྩལ་མེད་པས།། དབྱིངས་དང་ཡེ་ཤེས་དོན་ལས་འདས།། མི་རྟོག་ཡེ་ཤེས་ཆེན་པོ་ལས།། དགེ་བའི་འབྲས་བུ་བསྟན
53b2 མེད་པས།། བགྲོད་ཅིང་སྦྱོང་བའི་ལམ་དང་བྲལ།། ཡིན་པའི་དོན་ཉིད་གཞིག་ཏུ་མེད།། ལྟ་བ་ཞེའམ་སྙིང་པོའང་མིན།། ནམ་མཁའི་མིང་ཡང་འཐོབ་པ་མེད།། བྱ་བྲལ་ལྷུན་གྲུབ་མཆོག་གི་སྐུ།། ཐ་སྙད་མི་འབྱོད
53b3 གཅིག་གི་ངང་།། གང་དུའང་མ་གྲུབ་མ་གསལ་བས།། ཅིར་ཡང་མ་གྲུབ་དེ་བཞིན་ནོ།། དེ་བཞིན་སྙིང་པོ་ཆེན་པོ་ཉིད།། དུས་གསུམ་རྒྱལ་བའི་གནས་སུ་ཆེ།། སངས་རྒྱས་དེ་ནི་ལམ་འདྲ་བར།། མཆོག་གི་སྙིང་པོ་དེ
53b4 ཉིད་ནི།། འགྲོ་དྲུག་དེ་ཡི་རང་བཞིན་ནོ།། དེ་ལྟར་དེ་བཞིན་དེ་ཡི་ཕྱིར།། དེ་ལ་དེ་བསྟན་དེ་ཡང་འཐོབ།། དེ་ནི་སྙིང་པོ་དེ་བས་ན།། དེ་ལས་དེ་བྱུང་ངོ་མཚར་ཆེ།། སྔོན་གྱི་དེ་དང་ད་ལྟའི་དེ།། དེ་བཞིན་དེ་ཡི་གནས་སུ
53b5 ཆེ།། དེ་ལྟར་དེ་ཡི་ལམ་འདྲ་བར།། དེ་ནི་དེ་ཡི་རང་བཞིན་ནོ།། དེ་དང་འདྲ་བ་ཡོངས་ཀྱིས་ལམ།། ཟླ་བ་ལས་བྱུང་རྟེན་བཅས་པའི།། སྐུ་ཡི་ཕྱག་རྒྱར་སྣང་བ་དེས།། ཅིར་ཡང་མ་གྲུབ་དེ་བཞིན་ནོ།། ཞེས་གསུངས
53b6 སོ།། རྡོ་རྗེ་སེམས་དཔའ་ནམ་མཁའ་ཆེ་རྒྱལ་པོ་རྒྱས་པའི་རྒྱུད་ལས། ལྷུན་གྲུབ་རྩོལ་བྲལ་གྱི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་ཤིན་ཏུ་ཟབ་པའི་ཏིང་ངེ་འཛིན་ལ་སྙོམས་པར་ཞུགས་ནས
iiif viewer powered by OpenSeadragon
