| e-texts navigator |
| Wylie |
53a1 སྙིང་པོ་ཡིན།། གླེང་བྲལ་འདི་ལ་གང་ནགས་པ།། རྡོ་རྗེ་སྙིང་པོ་སྲ་བའི་མཆོག། རྡོ་རྗེ་ཡེ་ཤེས་དཀྱིལ་འཁོར་ལྡན།། རྣལ་འབྱོར་དེ་ནི་སྐལ་བ་བཟང་།། སངས་རྒྱས་ཀུན་དང་མཉམ་འགྱུར་བའི།། རྣམ
53a2 པ་ཀུན་ལྡན་མཆོག་གི་སྐུ།། གང་ཡང་འབྱེད་པ་མེད་པ་ཡི།། ཆོས་སྐུས་ཀུན་ཏུ་ཁྱབ་པའི་ཕྱིར།། རང་བཞིན་ལྷུན་གྲུབ་ཡུལ་ལ་རོལ།། མཐོང་ཐོས་རེག་དང་དྲན་པ་ཡིས།། སྡིག་པ་ཀུན་ལས་རྣམ་པར་གྲོལ།། གདོད
53a3 ནས་རྣམ་དག་གྲོལ་བའི་ལམ།། འགྲོ་བ་ཀུན་ལ་རང་བཞིན་གནས།། ཕྱིན་ཅི་ལོག་ཏུ་རྣམ་བརྟགས་ཀྱང་།། གྲོལ་བ་རང་བྱུང་གཞན་ལས་མིན།། ཡང་དག་དོན་གྱི་སྙིང་པོ་འདི།། ཐམས་ཅད་མཁྱེན་པའི་ཡེ་ཤེས
53a4 ཀྱིས།། བྱ་བྱེད་མེད་པར་ལྷུན་གྱིས་གྲུབ།། འབྲས་བུ་ཀུན་ཏུ་བཟང་པོའི་སྐུ།། ཞེས་གསུངས་སོ།། རྡོ་རྗེ་སེམས་དཔའ་ནམ་མཁའ་ཆེ་རྒྱལ་པོ་རྒྱས་པའི་རྒྱུད་ལས།། གླེང་གཞིའི་ལེའུ་སྟེ་དང་པོའོ།། །། དེ་ནས
53a5 བཅོམ་ལྡན་འདས་ཀྱིས་རྡོ་རྗེ་སྙིང་པོའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་ཉིད་བརྗོད་དོ།། ལྷུན་གྱིས་གནས་པའི་བདེ་ཆེན་ཏེ།། མངོན་སུམ་མི་གནས་ཀུན་ཏུ་ཁྱབ།། རང་བྱུང་ཡེ་ཤེས་རྩ
53a6 མེད་པས།། དབྱིངས་དང་ཡེ་ཤེས་དོན་ལས་འདས།། རྩོལ་སེམས་བདེ་བ་བླ་མེད་ཀྱང་།། དེ་ནི་དེ་སྒྲིབ་སྐྱོན་ཆེན་ཡིན།། ཚིག་གི་ཐ་སྙད་མེད་པའི་ཕྱིར།། དགེ་དང་སྡིག་ལས་རྣམ་པར་གྲོལ།། ལྷུན་གྱིས་རྫོགས་པའི་ངོ
iiif viewer powered by OpenSeadragon
