| e-texts navigator |
| Wylie |
52b1 ཅི་ཞིག་སྟོན་པར་མཛད།། འཁོར་དུ་འཁོད་པའི་འཁོར་ནི་ཅི་ལ་འཁོར།། འཁོར་ལ་སྟོན་པ་ཅི་ཞིག་སྟོན་པར་བྱེད།། དུས་དང་གནས་ནི་གཅིག་པ་ཇི་ལྟ་བུ།། ཞེས་ཞུས་པས།། རྡོ་རྗེ་སེམས་དཔའ་ལ་སོགས་ཀྱི། ཁྱད
52b2 པར་གྱུར་པའི་འཁོར་རྣམས་ལ།། བཅོམ་ལྡན་འདས་ཀྱི་ལྗགས་རྩེ་ཡིས།། གསང་བ་འདི་ནི་རབ་ཏུ་བསྒྲགས།། འདི་ནི་གསང་བ་ཐམས་ཅད་ཀྱི།། གསང་ཆེན་རབ་ཏུ་ངེས་པ་ཡིན།། ཀུན་ཏུ་བཟང་པོ་ང་ཉིད་ནི།། སྟོན
52b3 པ་དང་ནི་བསྟན་པ་དང་།། འཁོར་དང་དུས་དང་གནས་དང་ནི།། ང་ལས་བྱུང་བའི་ཐིག་ལེ་སྟེ།། ང་ཡི་རང་བཞིན་ཐིག་ལེ་ཡིན།། ཐིག་ལེ་ཡེ་ནས་སྤྲོས་པ་མེད།། སྙིང་པོ་མ་སྤྲོས་ཐིག་ལེ་ཡིན།། ཀུན་ལས་ཁྱད་པར
52b4 གྱུར་པ་ཡི།། ཆེ་བའི་ཡོན་ཏན་རྫོགས་པའི་མཆོག། ཆོས་རྣམས་ཀུན་གྱི་དེ་བཞིན་ཉིད།། མཆོག་གི་སྙིང་པོས་ཐུགས་བརྒྱུད་པ། ཁྱད་པར་འཁོར་གྱིས་དེ་བཞིན་འཛིན།། ཡང་དག་དོན་གྱི་སྙིང་པོ་ནི།། གང་ནས་བཙལ
52b5 ཡང་མི་རྙེད་དེ།། རང་རིག་སྒྲིབ་མེད་དག་པ་ཡིན།། དེ་ལ་རྟག་འགྲུས་གོམས་པ་ནི།། བསྙེན་པ་དམ་པ་དེ་ཡིན་ཏེ།། དེ་ནི་མ་ནོར་ལམ་ཡིན་པར།། ཀུན་ཏུ་བཟང་པོས་རབ་ཏུ་བསྔགས།། འགྲོ་བའི་སྡུག་བསྔལ་བྱང
52b6 ཆུབ་སེམས།། ཀུན་ཏུ་ཆུབ་པས་རྣམ་པར་རོལ།། དེ་ལ་སྐྱོད་པ་མེད་བཞིན་དུ།། ནམ་མཁའི་མཐའ་ལྟར་མཉམ་པར་གནས།། མཁའ་འདྲ་སྐྱོན་མེད་རང་རིག་འདི།། མི་ཤིགས་རྡོ་རྗེའི་སྙིང་པོ་སྟེ།། མི་འབྲལ་མཆོག་གི
iiif viewer powered by OpenSeadragon
