| e-texts navigator |
| Wylie |
51b1 བསྐྱེད་ཀྱང་།། ཐ་མར་སར་ནི་འགྲོ་བ་ལྟར།། གདོང་འཁྲུད་སྤུ་གྲིས་སྐྲ་བྲེགས་ཀྱང་།། རྟོག་པའི་ཀླུང་ལ་འདུ་མཆེད་དེ།། རྟོག་པའི་ཁྲིམས་དེ་བསྲུང་བས་འཇིག། བླ་མེད་རྫོགས་ཆེན་ཉེ་ལམ་རིང་།། བསྐལ་པ་གསུམ
51b2 དུས་བགྲོད་ཀྱང་།། རྫོགས་པ་ཆེན་པོའི་གཏིང་མི་མཐོང་།། རྒྱལ་བ་བཙལ་བས་རྙེད་མི་སྲིད།། དཔྱད་མཐའ་མངས་པའི་རྒྱུ་ལས་བྱུང་།། རྒྱུ་ལ་མི་བགྲོད་དཔྱད་མཐའ་སྤང་།། མགོ་ཟླུམ་ཤཱཀྱར་ཚུལ་གྱིས
51b3 བཅོས།། ཐེག་ཆེན་མཐོང་བ་ཐེག་པ་དེ།། འབྲས་བུ་མངོན་སངས་རྒྱས་པ་ཡིན།། བྱང་ཆུབ་ཐོབ་པར་འདོད་པ་རྣམས།། དེ་ཕྱིར་བླ་མེད་ཐེག་ཆེན་ལྟོས།། བླ་མེད་ཐེག་ཆེན་སུས་མཐོང་བས།། དུས་གསུམ་སངས་རྒྱས
51b4 མ་ལུས་རྙེད།། ལུང་གི་ལུང་མཆོག་རྩ་བའི་རྒྱུད།། ཤཱཀྱ་ཐུབ་པ་འགྲོ་བའི་མགོན།། ཡོན་ཏན་མ་ལུས་ཀུན་ལྡན་པའི།། ཐུབ་པའི་དབང་པོས་གསུངས་པ་ཡི།། ལུང་གི་རྩ་བའི་རྒྱུད་ཆེན་འདི།། ཞལ་ནས་གསུངས
51b5 པའི་ཐེག་པ་སྟེ།། སངས་རྒྱས་བྱང་ཆུབ་གང་འདོད་པ།། ཐེག་མཆོག་བླ་མེད་འདི་ལ་ལྟོས།། ཕྱིས་ཀྱི་སློབ་འདོད།། སློབ་མ་དང་སྟོན་པར་འདོད་པའི་སློབ་དཔོན་གྱིས།། ས་པའི་བྱང་ཆུབ་སེམས་དཔའ་ཡིས།། སྤྲུལ
51b6 རྒྱུར་ལྡན་པ་རྙེད་པ་དང་།། མ་བཤད་པར་ནི་དོན་མི་བསྟན།། རྩ་བའི་རྒྱུད་འདི་སྔོན་ལ་སྦྱིན།། བཤད་དེ་དོན་འདི་དགྲོལ་བ་བསྟན།། བསྟན་བཞིན་མི་བྱེད་པ་ཡི་མི།། བློ་བུར་དྲག་པོས་མོད་ལ་འཆི།། སྲོག་ཟད་ནས
iiif viewer powered by OpenSeadragon
