| e-texts navigator |
| Wylie |
50b1 འབྲི་དང་བསྣན་པ་མེད།། ཡི་གེའི་སེམས་རྒྱུ་བ་དང་བྲལ།། སྨྲ་བསམ་ཡུལ་ལས་རབ་འདས་པས།། མཐའ་གཉིས་རབ་ཏུ་རྨོངས་འགྱུར་ཏེ།། ཅི་ལའང་མི་དམིགས་མི་རྟོག་སྟེ།། མི་རྟོག་པ་ལའང་མི་གནས་ཤིང་།། སྣ
50b2 ཚོགས་འདི་དག་འཁྲུལ་པར་ཤེས།། འཁྲུལ་བར་ཤེས་པ་ཡང་དག་ལམ།། དབུ་མའི་ལམ་ཆེན་དེར་རྫོགས་པས། ཁམས་གསུམ་མྱ་ངན་འདས་པར་འདོད།། དོན་དམ་དམིགས་སུ་མེད་པ་ལ།། འདུ་ཤེས་རྒྱུ་བའི
50b3 སེམས་མེད་དེ།། ཡི་གེའི་ཚོགས་དང་བྲལ་བ་ནི།། དབུ་མའི་དོན་དམ་ལྟ་བ་ཡིན།། དབུ་མའི་དོན་དམ་གང་ཡིན་པ།། རྫོགས་པ་ཆེན་པོའི་ཀུན་རྫོབ་ཡིན།། ཐམས་ཅད་མ་ལུས་ཀུན་རྫོགས་པས།། ཡོན་ཏན་བསམ
50b4 གཏན་བསམ་དུ་མེད།། མ་བསམས་མ་སྦྱངས་ཆོས་སུ་གནས།། མི་རྟོག་རྟོག་ལས་འདས་པ་ན།། རྣམ་རྟོག་ཉིད་ཀྱང་ཡེ་ཤེས་སྐུ།། རྒྱུ་འབྲས་མི་འབྱེད་ལྷུན་གྲུབ་པས།། ཕྲ་མོ་ཐེག་པྲ་གདགས་དང་བྲལ།།
50b5 ཆོས་དབྱིངས་དབེན་པའི་དགོན་རྒྱུད་དུ།། འདུ་མཆེད་བཅུ་གཉིས་གཏོད་མནན་པས།། རྣམ་རྟོག་མ་ལུས་དབྱིངས་སུ་ཞི།། གདོད་ནས་མ་བཅོས་མཉམ་ཀླུང་པས།། དགེ་སྡིག་རྒྱུ་འབྲས་གདགས་སུ་མེད།། འཇིག་རྟེན
50b6 སྔ་ཕྱི་གཉིས་མེད་ཅིང་།། ཐམས་ཅད་མ་ལུས་སངས་རྒྱས་པས།། བླང་དོར་བྲོད་པའི་ཚིག་ལས་འདས།། གདོད་ནས་རང་བཞིན་མེད་པ་ལ།། རིག་པ་དེ་བཞིན་དུར་བཏབ་པས།། སོ་སོར་རྟག་ཏུ་ཅི་ཡང
iiif viewer powered by OpenSeadragon
