| e-texts navigator |
| Wylie |
50a1 འདས།། འགྲོ་བ་ཀུན་ལ་རང་བཞིན་གནས།། ཕྱིན་ཅི་ལོག་ཏུ་རྣམ་བརྟགས་ཀྱང་།། གྲོལ་བ་རང་བྱུང་གཞན་ལས་མེད། ཁམས་གསུམ་སྣོད་བཅུད་དབྱིངས་ནས་བྱུང་།། དེ་ནས་བྱུང་ནས་དེར་གནས
50a2 པས།། ཉོན་མོངས་བདུད་དེ་བདེ་བའི་མཆོག། ཆེ་བའི་ཡེ་ཤེས་རྙེད་དཀའ་བ།། ཤེས་རབ་ཐབས་ལ་བརྟེན་པས་འགྲུབ།། མིང་ཙམ་གཞན་ལ་བརྟེན་འདྲ་ཡང་།། མངོན་སུམ་བདེ་བ་རང་ལས་འབྱུང་།། བདེ་བའི་བདེ།
50a3 ཆེན་ཀུན་རྫོགས་པས།། འཆི་བདག་བདུད་ནི་ཡེ་རྒྱས་བཏབ།། ད་ལྟའི་བདེ་དང་ཕྱི་མའི་བདེ།། མངོན་སུམ་པ་དང་རྒྱབ་ནས་འབྱུང་།། དེ་ཡང་རྣམ་པའི་སྐྱོན་ཡིན་པས།། དེ་ལ་བརྟེན་པར་མི་བྱའོ།། ཡོན་ཏན་ཆེན་པོའི
50a4 བསམ་གཏན་ནི།། གསམ་གཏན་ཉིད་པས་བསམ་དུ་མེད།། མ་བསམས་མ་སྦྱངས་ཆོས་ཉིད་དུ།། རྣམ་རྟོག་ཉིད་ལས་ཡེ་ཤེས་སྐྱེ།། ཕྲ་བའི་སྒོ་མོར་མིང་བརྟགས་ཤིང་།། སེམས་ཀྱི་བདེན་པས་ལམ་འཚོལ
50a5 ཞིང་།། དགོན་པའི་རྒྱུད་དུ་དབེན་འཛིན་ཏེ།། བརྟགས་ན་རྣམ་པར་རྟོག་འགྱུར་བསྒོམ།། དགེ་སྡིག་གཉིས་ཀ་རྣམ་པར་སེལ།། རྒྱུ་འབྲས་གཉིས་སུ་མིང་འདོགས་ཏེ།། འཇིག་རྟེན་འདི་ལས་འབྱུང་ངོ་ཞེས།། བླང་དོར
50a6 བྲོད་པ་མཆོད་ཏུ་བསྐྱེད།། མི་གནས་ཐེག་ཆེན་ཆོས་བསྒོམས་ཤིང་།། སོ་སོར་རྟོགས་པའི་ཤེས་རབ་ཀྱིས།། ཆོས་རྣམས་ཀུན་གྱི་དོན་སྤྱད་པས།། ཆོས་རྣམས་ངོ་བོ་ཉིད་ཀྱིས་ཞི།། དེ་ལ་མིང་དང་ཚིག་ཀྱང་མེད།། དེ་ལ
iiif viewer powered by OpenSeadragon
