| e-texts navigator |
| Wylie |
49a1 ཞི།། སངས་རྒྱས་ཆོས་རྣམས་རང་བཞིན་མེད།། ཆོས་དེ་དངོས་པོ་མེད་པ་ཡིན།། ཆོས་ནི་ཡེ་ནས་ཞི་བ་སྟེ། ཁམས་གསུམ་དམིགས་སུ་མེད་པ་ཡིན།། ཐམས་ཅད་སྟོང་པ་ཉིད་སྟོང་སྟེ།། མ་ལུས་དམིགས
49a2 སུ་མེད་པ་ཡིན།། འདི་རྣམས་རྟོགས་པར་གྱུར་པ་ལ།། སངས་རྒྱས་ཆོས་རྣམས་མ་ལུས་ཡོད།། དེ་ནས་ཡང་བཅོམ་ལྡན་འདས་ཀྱིས་ངེས་པའི་ཏིང་ངེ་འཛིན་ལ་སྙོམས་པར་ཞུགས་ནས། རབ་ཏུ་ངེས་པའི་ཏིང་ངེ་འཛིན
49a3 བསྟན་པའི་སྐབས། བྱང་ཆུབ་སེམས་ནི་བྷ་ག་སྟེ།། ཇི་བཞིན་པ་ཞེས་བྱ་བ་ཡིན།། ཇི་བཞིན་པ་དེ་གདོད་ནས་དག། མ་ལུས་པ་སྟེ་ཐམས་ཅད་སྡུད།། ཀུན་འདུས་མཁའ་དབྱིངས་རྣམ་པར་དག། སྙིང་པོའི་སྙིང་པོ་བྱང
49a4 བ་པས།། དགོངས་པའི་དགོངས་པ་བསྟན་པའོ།། མ་ཧཱ་ཡོ་གའི་བདུད་བཞི་ནི།། གཟོད་ནས་དག་པར་ཆོས་རྣམས་ནི།། ཤེས་རབ་ཀྱི་ནི་ཤེས་འགྱུར་བ།། ཐབས་ཀྱི་མཆོག་སྟེ་གཉིས་སུ་མེད།། ཤེས་རབ་ཐབས
49a5 གཉིས་གཉིས་མེད་པས།། ཕུང་པོའི་བདུད་བཞི་དབྱིངས་སུ་དག། ལྷ་དང་གཉིས་སུ་མེད་པར་ནི།། ཐམས་ཅད་མ་ལུས་ཀུན་སྦྱོར་བས།། སྐྱོན་གྱི་ཟུག་རྔུ་མཁའ་བཞིན་གསལ།། ཉོན་མོངས་བདུད་ནི་དབྱིངས་སུ་དག
49a6 ཁམས་གསུམ་སྣོད་བཅུད་ལྷར་གསལ་ཏེ།། ལྷ་ཡི་དཀྱིལ་འཁོར་ཀུན་ཡིན་ཕྱིར།། ལྷ་ཡི་བུ་བདུད་ལྟར་གྱུར་པས།། ལྷ་ཡི་བདུད་ནི་དབྱིངས་ལ་ཞི།། ཐམས་ཅད་གཉིས་སུ་ཀུན་སྦྱོར་བས།། སྐྱེ་མེད་དོན་ལ་འགག་པ
iiif viewer powered by OpenSeadragon
