| e-texts navigator |
| Wylie |
48a1 ནས་མ་སྐྱེས་མི་འགག་པས།། ཐར་བའི་ལམ་ལ་བགྲོད་དུ་མེད།། བཟང་ངན་བླང་དོར་དབྱེར་མེད་པས།། མཉམ་པར་བྱ་བའི་གཞི་པོ་བྲལ།། ཐམས་ཅད་ལྷུན་གྱིས་རྫོགས་པས་ན།། ཡོན་ཏན་ཅི་ཡང
48a2 བསྔགས་སུ་མེད།། བདུད་བཞི་དབྱིངས་སུ་དེར་བསད་ཅིང་།། ཉོན་མོངས་མ་ལུས་ཀ་དག་ན།། སངས་རྒྱས་བཙལ་ཞིང་བསྒྲུབ་ཏུ་མེད།། ཀུན་བཟང་ཆོས་ཀྱི་དབྱིངས་ཆེན་ལ།། ཡོན་ཏན་མ་ལུས་ཀུན་ལྡན
48a3 པས།། རྒྱལ་བས་ཞིང་རྣམས་བཙལ་དུ་མེད། ཁམས་གསུམ་སྣོད་བཅུད་བྱང་ཆུབ་པས།། ས་བགྲོད་རྒྱུ་ལ་ལྟོས་དང་འདྲ།། རང་བྱུང་ཡེ་ཤེས་བཙལ་མེད་པས།། བདེ་བར་གཤེགས་པའི་སྙིང་པོ་ཡིན།། ཆོས་རྣམས་མ
48a4 ལུས་ལྷུན་རྫོགས་པས། ཁམས་གསུམ་མ་ལུས་རྒྱལ་བའི་ཞིང་།། ཡེ་ནས་སྙིང་པོ་བྱང་ཆུབ་པས།། བསྒོམ་པར་བྱ་བ་རྡུལ་ཡང་མེད།། སེམས་ཀྱི་ཀུན་བཟང་མ་མཐོང་ན།། ཚིག་གི་ཀུན་བཟང་རྙེད་མི་འགྱུར།། སྙིང་པོ
48a5 བྱང་ཆུབ་མ་ཤེས་ན།། མཁས་པས་སངས་རྒྱས་ཡོངས་མི་རྙེད།། དུག་གསུམ་འབར་བའི་མེ་ཡོད་ན།། མེ་མར་དུ་མཆོད་མི་དགོས།། སེང་གེ་དཀར་མོའི་འོ་མ་འདི།། གསེར་གྱི་སྒྱོསྐྱོགས་སུ་བཞོ་བ་ལས། ཁམས་སྐྱོགས
48a6 ནང་དུ་བཞོས་གྱུར་ན། ཁམས་སྐྱོགས་འགས་ཤིང་འོ་མ་བའོ།། དེ་བཞིན་གསང་སྔགས་འདི་འཆང་བས།། བཙལ་ཐབས་བཅང་ཐབས་ཉེས་གྱུར་ན།། སེང་གེ་དཀར་མོའི་འོ་མ་འདྲ།། མེད་དོ་སེམས་ལས་སངས་རྒྱས
iiif viewer powered by OpenSeadragon
