| e-texts navigator |
| Wylie |
47b1 བཞིན་ཡོངས་ཤེས་ན། ཚིག་གི་བྱང་ཆུབ་མཁས་པར་འགྱུར།། མི་བྱ་བའི་སྐབས། ཐེག་པ་ཆུང་ངུ་བསྒོམ་མི་བྱ།། མན་ངག་ཟབ་མོ་བཙོང་མི་བྱ།། རྡོ་རྗེ་སློབ་དཔོན་བཀའ་མི་བཅག། ཡང་དག་ཉིད་ལས་ཡང་དག
47b2 ལྷལྟ།། རྣམ་པར་གྲོལ་བའི་ལམ་ལ་བསླབ།། རང་དབང་མེད་པར་གཞན་མི་འགྱུར།། ཐེ་ཙོམ་ཡོད་བཞིན་རློམ་མི་བྱ།། ཡིད་ཆེས་མེད་པར་དོན་མི་གྲུབ།། མཁས་པར་མ་གྱུར་གཞན་མི་སློབ།། བླ་མ་པས་ནི་མཁས་མི
47b3 བྱ།། དམ་ཚིག་འདས་པའི་དུག་མི་བཏུང་།། གཟུང་འཛིན་ཡོད་པས་བསྒོམ་མི་བྱ།། བློ་རྨོངས་པས་ནི་ཤེས་མི་གསལ།། མཁས་པར་མ་གྱུར་གཞན་མི་བསླབ།། ཐེ་ཙོམ་ཡོད་བཞིན་ང་མི་རྒྱལ།། ངེས་པ་མེད་པར་སྨྲ་མི
47b4 བྱ།། རྟོག་པ་ཡོད་བཞིན་ལས་མི་བསྒྲུབ།། སྙིང་རྗེ་ཡོད་ན་གསད་མི་བྱ།། ཟབ་མོ་བསྟན་པའི་མི་དག་བཏག། བློ་རྒྱ་ཆུངས་པའི་མི་རྣམས་ལ།། ཐེག་ཆེན་ནམ་ཡང་བསྟན་མི་བྱ།། དེ་ཡན་ཆད་དུ་སིང་ག་ལའི་བམ་པོ
47b5 བརྒྱད་ཐལ་ཟིན་ཏོ།། རྒྱ་གར་གྱི་ཡུལ་དབུས་འགྱུར་ཚལ་གྱི་བམ་པོ་གསུམ་ཐལ་ལོ།། ཨོཾ་ཏྲ་ཡུལ་གྱི་བམ་པོ་བཅུ་གསུམ་ཐལ་ལོ།། རྒྱའི་བམ་པོ་གསུམ་ཐལ་ལོ།། དེས་བམ་པོ་རྐང་གྲངས་རིམ་པ་བསྟན་པའོ།། དེ
47b6 ནས་ཡང་བཅོམ་ལྡན་འདས་དཔལ་བདེ་བ་ཆེན་པོས་སྙིང་པོའི་ཏིང་ངེ་འཛིན་ལ་སྙོམས་པར་ཞུགས་ནས་བཀའ་སྩལ་པ། ཁམས་གསུམ་ཡེ་ནས་སངས་རྒྱས་པས།། སྙིང་རྗེས་སེམས་ཅན་བསྒྲལ་མི་དགོས།། གདོད
iiif viewer powered by OpenSeadragon
