| e-texts navigator |
| Wylie |
47a1 དང་།། ཡོན་ཏན་བསྟོད་པའི་སྒོ་སྨྲ་ཞིང་།། སྐྱོན་གྱི་རྣམ་གྲངས་གང་འགེགས་པ།། རྒྱལ་བའི་རྒྱལ་བར་དེ་འགྲོ་ཞིང་།། ཟང་ཟིང་འཁོར་ཡུལ་མང་པོ་ནི།། བླ་མ་དག་ལ་ཁས་བླངས་ནས།། གལ་ཏེ་བྱིན
47a2 པར་མ་གྱུར་ན།། ཡང་དག་དོན་ལས་ཉམས་པ་དེ།། དཀོན་མཆོག་གསུམ་གྱི་དཀོར་ཕྲོགས་ཤིང་།། བརྒྱ་བྱིན་ཚངས་ལ་སོགས་པས་བསླུས།། བསྡུས་འཇོམས་གནས་སུ་མི་དེ་སྐྱེ།། དེར་སྐྱེས་པ་ཡི་རིང་ཐུང་ཚད།། ཚེ
47a3 ཡི་ལོ་ནི་བརྒྱ་ཡིན་ནོ།། མན་ངག་ཟབ་མོའི་སློབ་དཔོན་གྱིས།། སློབ་བུ་ནོར་བུ་རིན་ཆེན་ལ།། གང་ཞིག་འདོད་པའི་དགོངས་པ་སྟེ།། འདོད་ཅེས་པ་ནི་འབུལ་བར་བྱ།། འབུལ་བའི་སྙིང་སྟོབས་གང་མེད་པ།། འཆི་བའི
47a4 མི་དེས་སངས་རྒྱས་སླུ།། ཚེ་སྲོག་ཟད་པར་བྱེད་པའི་རྒྱུ།། དམྱལ་བའི་ངེས་སྟོན་ངས་མ་བསྟན།། འཆི་བའི་རྒྱུ་ནི་བསྟན་པའི་སྐབས།། བཀའ་བཞིན་མི་བྱེད་འཆི་བའི་རྒྱུ།། ཕ་མ་གཉིས་ཀྱི་ངག་གཅོག་འཆི།། སྤྱོད
47a5 ལོག་སྣ་ཚོགས་བྱེད་ན་ཟད།། བྱམས་པའི་བློ་འཁྲུག་མྱུར་དུ་འཆི།། མནའ་སྨོད་ཀྱིས་ནི་སྲོག་ཟད་རྒྱུ།། མན་ངག་ཟབ་མོ་སྟོན་པ་ཡི།། སློབ་དཔོན་བསླུས་ན་ཚེ་སྲོག་ཟད།། ཟབ་མོ་གཏིང་དུ་མ་འབྱོར་བར།། ཚིག་གི
47a6 ཡོན་ཏན་སྤེལ་བྱེད་པ།། སྲོག་ཟད་ཚེ་ཐུང་དམྱལ་བའི་རྒྱུ།། ངེས་དོན་སྙིང་པོ་བླ་ན་མེད།། དམིགས་མེད་ཀླུང་དུ་མ་གྱུར་ན། ཁམས་གསུམ་མ་ལུས་སངས་རྒྱས་ཀུན།། མི་དེས་བྱང་ཆུབ་ཡོངས་མི་འཐོབ།། ཆོས་ཀྱི་རང
iiif viewer powered by OpenSeadragon
