| e-texts navigator |
| Wylie |
45b1 པར་སྙོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བླ་མའི་ངེས་ཚིག་བསྟན་པ། རྨོངས་ལ་མི་འཕྱ་དོན་ལ་མཁས།། ཚིག་གིས་མཚོན་པའི་དོན་ལ་འབྱོར།། སྐྱེ་མེད་དབྱིངས་ལ་ཤིན་ཏུ་བསྟན།། ངེས
45b2 པར་བློན་ཞེ་ན་ཀླུང་གྱུར་ན།། གཞན་དུ་ནམས་ཀྱང་འགྱུར་བ་མིན།། བསྐྱེད་དང་རྫོགས་དང་རྫོགས་ཆེན་པོ།། རྣམ་གསུམ་དོན་ལ་ངེས་གནས་ཤིང་།། ཐེག་པ་གཞན་གྱིས་ངེས་དོན་ཤེས།། ཟབ་མོ་དམིགས་མེད་དོན
45b3 ལ་མཁས།། རྫོགས་པ་ཆེན་པོའི་གཏིང་དུ་འབྱོར།། བླ་མ་སློབ་དཔོན་ཆེན་པོ་ཡིན།། སློབ་མ་ནོར་བུ་རིན་པོ་ཆེ།། མན་ངག་ཟབ་མོ་གཏིང་དུ་འཆང་།། ངེས་པ་རྙེད་ནས་ཕྱིར་མི་ལྡོག། མཁས་པར་གྱུར་ཀྱང་སློབ་ལ
45b4 བརྩོན།། ཤེས་པ་ཆེ་ཡང་ཐེ་ཙོམ་གཅོད།། བླ་མ་ཡན་ལག་མགོ་ལྟར་ཁུར།། མན་ངག་མིག་གི་འབྲས་ལྟར་འཚོ།། དམ་ཚིག་ཞིང་ཚོགས་བཞིན་དུ་བསྲུངས།། ལྟ་བ་ཟབ་མོ་མཁའ་ལྟར་ཡངས།། སྤྱོད་པ་གླང་ཆེན་རྫབ
45b5 ཆུང་བཞིན།། ཞུགས་ཤིང་སྤྱོད་པ་སྐྱོ་དུབ་མེད།། རྒྱུད་མཉེན་འགྲོགས་ན་བདེ་བ་དང་།། རྫས་རྣམས་ལེན་ལ་དགའ་ཞིང་བརྩོན།། སྒྲུབ་ལ་མི་འཇིགས་སྦྱོར་ལ་འགྲུས།། ཤེས་རབ་ཟབ་ཅིང་གཏོང་ལ
45b6 དགའ།། ཟང་ཟིང་འཁོར་ཡུལ་བུ་སྨད་ཀྱང་།། མན་ངག་ཟབ་མོའི་ཚིག་གཅིག་ལ།། འཕངས་པ་མེད་པར་འབུལ་བ་ནུས།། དེ་སློབ་ནོར་བུ་རིན་པོ་ཆེ།། སྦྱིན་པའི་གནས་དང་བསྟན་པའི་སྐབས།། ཡོན་ཏན་ཕུན་སུམ
iiif viewer powered by OpenSeadragon
