| e-texts navigator |
| Wylie |
39a1 ཆོས་ཉིད་སྤྲོས་པ་དང་བྲལ་བར་རིག་པས་རྟོགས་ཏེ། ཤེས་པ་ནི་ཤེས་རབ་ཡིན།། གཞི་མ་དངོས་པོ་མེད་པར་རྟོགས་པ་དེ་ཉིད་ཐབས་དམ་པ་ཡིན། སྐད་ཅིག་མ་གཅིག་ལ་རིག་པས་དེ་བཞིན་དུ་རྟོགས
39a2 ནས།། འཁོར་བ་དང་མྱ་ངན་ལས་འདས་པའི་རང་བཞིན། རིག་པའི་སྐད་ཅིག་མ་གཅིག་ལ་མཉམ་པ་ཉིད་གཉིས་སུ་མེད་པར་རྟོགས་ཏེ། ཐབས་དང་ཤེས་རབ་ཀྱི་ངང་ལ་གནས་པ་ནི་མ་ཧཱའོ།། ཇི་བཞིན་རྟོགས་པ་ཕྲ
39a3 བ་མིན།། རིག་པའི་ཆོ་འཕྲུལ་སྐད་ཅིག་གིས།། འཁོར་དང་མྱ་ངན་འདས་པའི་ཆོས།། སྐུ་གསུམ་གཉིས་སུ་མེད་པར་རྟོགས།། ཨ་ནུའི་མ་ཧཱ་ཞེས་བྱའོ།། ཡོ་ག་ནི་སྣང་བ་ཐམས་ཅད་འབྱུང་བ་ལྔའི་བྱིན་གྱིས་བརླབས
39a4 ནས་བྱུང་བར་བལྟ། འབྱུང་བ་ལྔ་རིགས་ཀྱི་ཡུམ་ལྔའི་བྱིན་གྱིས་བརླབས་ལས་བྱུང་བར་བལྟ། རིགས་ཀྱི་ཡུམ་ལྔ་ཆོས་ཀྱི་དབྱིངས་རྣམ་པར་དག་པའི་བྱིན་གྱིས་བརླབས་ལས་བྱུང་བར་བལྟ། ཆོས་ཉིད་དབྱིངས་རྣམ
39a5 པར་དག་པ་ཡི་གེ་ཨའི་བྱིན་གྱིས་བརླབས་ལས་བྱུང་བར་བལྟ། ལྷ་དང་ལྷ་མོ་སེམས་དཔའ་ཕོ་མོ་ཡང་ཆོས་ཀྱི་དབྱིངས་ཀྱི་བྱིན་གྱིས་བརླབས་ལས་བྱུང་བར་ལྟ་སྟེ་རིམས་ཀྱིས་ལྟ་ལ། སྤྱོད་པས་ལྷ་དང་ལྷ་མོའི་སྐུ
39a6 གསུང་ཐུགས་བདག་གི་ལུས་ངག་ཡིད་གསུམ་གཉིས་སུ་མེད་པར་སྦྱོར་བས་ཡོ་གའོ།། ཡོན་ཏན་ཀུན་དང་སྟོབས་ཀྱི་རྣམས།། རིམས་ཀྱིས་དེ་བཞིན་ལྟ་བྱེད་ཅིང་།། བསྐྱེད་དང་གཉིས་སུ་སྤྱན་དྲངས་རྣམས།། དབྱེར
iiif viewer powered by OpenSeadragon
