| e-texts navigator |
| Wylie |
38a1 གའི་ཡོ་ག་ནི། ཆོས་ཐམས་ཅད་ཀྱི་ཆོས་ཉིད་རིག་པས་བརྟགས་པས་གཉིས་སུ་མེད་པར་དོན་དམ་པར་སྦྱོར་ལ། ཀུན་རྫོབ་དུ་རིག་པ་ཉིད་ཆོ་གས་ལྷ་དང་ལྷ་མོར་སྦྱོར་བའོ།། དབྱིངས་ལས་དེ་བཞིན
38a2 རིག་པར་ཤར།། ཤར་ཡང་དེ་གཉིས་གཉིས་སུ་མེད།། བསྐྱེད་སྤྱན་དྲང་བའང་གཉིས་མེད་སྦྱོར།། དེ་ལས་བྱུང་བའང་དེ་བཞིན་གནས།། ཞེས་ལྔ་གསུངས་སོ།། །། ཨ་ནུ་ཡོ་གའི་ལྟ་བ་ལྔ་ཕྱེ་བ། ཨ་ནུ་ཡོ་གའི་ཨཱ
38a3 ཏི་ཡོ་ག་ནི། འཁོར་བ་དང་མྱ་ངན་ལས་འདས་པའི་ཆོས་མཐའ་དང་དབུས་མེད་པ་ཐམས་ཅད།། ཀུན་གཞི་བྱང་ཆུབ་ཀྱི་སེམས་བཙལ་དུ་མེད་པའི་ཀླུང་།། བརྗོད་དུ་མེད་པའི་འཛིངས། བཅོས་སུ་མེད་པས་ལམ་དང
38a4 གཉེན་པོར་སྦྱང་དུ་མེད་པ། རྒྱུ་ལ་མི་ལྟོས་པས་རྒྱུ་འབྲས་གཉིས་སུ་དབྱེར་མེད་པ། སྣང་སྲིད་ཡེ་ནས་སངས་མ་རྒྱས་པ་མེད་པས། འཁོར་བ་དང་མྱ་ངན་ལས་འདས་པ་གཉིས་སུ་མེད་པ། ཚིག་དང་ཡི་གེའི་ཐ་སྙད
38a5 ལས་འདས་པས། བརྗོད་པར་བྱ་བ་རྡུལ་ཙམ་ཡང་མེད་དོ།། བཙལ་དུ་མེད་པས་བདེ་བའི་ཀླུང་།། བཅོས་སུ་མེད་པས་ལམ་དང་བྲལ།། འབྲས་བུ་ཡིན་པས་རྒྱུ་འབྲས་མེད།། མི་སྐྱེ་མི་འགག་ཅིར་མི་དགོངས།། ཞེས
38a6 པའོ།། ཨ་ནུ་ཡོ་གའི་ཨ་ནུ་ཡོ་ག་ནི།། ཀུན་ནས་སྣང་བའི་ཐིག་ལེ་བྱང་ཆུབ་ཀྱི་སེམས་རྣམ་པར་དག་པའི་མཁའ་བྷ་ག་རྒྱ་མཚོ་རྣམ་པར་དག་པའི་དབྱིངས་སོ།། དབྱིངས་དེ་ལས་རིག་པ་དེ་ཉིད་ལངས་ཏེ། དབྱིངས་དེ
iiif viewer powered by OpenSeadragon
