| e-texts navigator |
| Wylie |
37b1 བ།། ཨ་ཏི་ཡོ་གའི་ལྔ་ལ། ཨ་ཏི་ཡོ་ག་ཞེས་པ་ནི་ཆོས་རྣམས་ཀྱི་ཆོས་ཉིད་བྱང་ཆུབ་ཀྱི་སེམས་བདེ་བ་ཆེན་པོ་རང་གི་རང་བཞིན་དུ་གནས་པ། ཨ་ཏི་ཡོ་གའོ།། ཐམས་ཅད་ཀུན་འདུས་བདེ་ཆེན་ཀླུང་།། རྒྱུ་འབྲས་མི
37b2 འབྱེད་མཉམ་པའི་ངང་།། སྣོད་བཅུད་ཐམས་ཅད་བཅོས་པ་མེད།། རང་བཞིན་གནས་པ་ཨཱ་ཏི་ཡིན།། ཨ་ཏི་ཡོ་གའི་ཨ་ཏི་ཡོ་ག་ནི། རང་བཞིན་གནས་པ་གོང་མ་དེ་སྨྲ་བསམ་མེད་པའོ།། མཆོག་ཏུ་གསང་བའི་ཆོས
37b3 ཉིད་འདི།། རྣ་དབང་གཞན་ལ་ཐོས་མི་འགྱུར།། དེ་བཞིན་ལྕེ་ཡི་དབང་པོས་ཀྱང་།། དེ་ལ་བརྗོད་དུ་རྡུལ་ཙམ་མེད།། ཨ་ཏི་ཡོ་གའི་ཨ་ནུ་ཡོ་ག་ནི།། བྱང་ཆུབ་ཀྱིས་སེམས་མ་བཅོས་པ་རང་བཞིན་གྱིས་གནས་པ་དེའི
37b4 ང་ལ་མི་གནས་པར། དབྱིངས་ལས་རིག་པ་དེ་བཞིན་དུ་བྱུང་ནས་རང་གི་གནས་པ་དེ་རྟོགས་པའོ།། སྤྱོད་པ་གཉིས་སུ་མེད་པར་སྤྱོད་པའོ།། རང་བཞིན་པ་ལ་གནས་མི་ནུས།། རིག་པས་རང་བཞིན་དེ་མཐོང
37b5 ནས།། མི་འཇུག་སྤྱོད་པ་མཉམ་གནས་ཤིང་།། གཉིས་ལ་འཛིན་པས་ཨ་ནུའོ།། ཨ་ཏི་ཡོ་གའི་མ་ཧཱ་ཡོ་ག་ནི། སྣོད་བཅུད་ཀྱིས་བསྡུས་པའི་ཆོས་ཉིད་བྱང་ཆུབ་ཀྱི་སེམས་སྐྱེ་འགག་གི་མཐའ་ལས་འདས་པ། མཐའ
37b6 དབུས་མེད་པ། མཉམ་པའི་ངང་ལ་གནས་པའོ།། འདོད་ཆགས་ཞེ་སྡང་རྣམ་གསུམ་ཡང་།། བྱང་ཆུབ་ཆེན་པོའི་ལམ་ལས་བྱུང་།། ཀུན་སྤྱོད་ཡོན་ཏན་རྣམ་ལྔ་ནི།། ཆོས་ཉིད་རིག་པའི་རྒྱན་ཞེས་གསུངས་སོ།། ཨ་ཏི་ཡོ
iiif viewer powered by OpenSeadragon
