| e-texts navigator |
| Wylie |
37a1 ཡང་གཏོར་ནས་ཞུས་པ། བཅོམ་ལྡན་འདས་ཤཱཀྱ་ཐུབ་པ་བདེ་བའི་དབང་པོར་བཀའ་སྩལ་པ། མང་པོ་ཐམས་ཅད་གཅིག་ཏུ་ཤེས་པར་གྱིས་ཤིག་ཅེས་བཀའ་སྩལ་བས། འཁོར་རྣམས་ཀྱིས་ཞུས
37a2 པ། ཐུབ་པའི་དབང་པོ་རྣམ་གྲོལ་ཐུགས།། བདེ་མཛད་སླད་ན་དོན་མཛད་ལགས།། ཐུགས་དབང་ཆེན་པོ་ཇི་ལྟར་དགོངས།། ཟླ་གསལ་རྣམ་གྲོལ་ཐུགས་མངའ་བས།། བླ་མེད་ཐེག་པ་ཆེན་པོའོ།། ལྟ་བའི་དོན་རྣམས
37a3 དབྱེ་བར་གསོལ།། ཞེས་ཞུས་པས། བཅོམ་ལྡན་འདས་ཀྱིས་རྣམ་པར་གྲོལ་བ་ཟག་པ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས། རྒྱུ་འབྲས་མི་འབྱེད་བླ་མེད་ཐེག། རྒྱུ་ལ་མི་བགྲོད་འབྲས་བུའི་སྐུ།། ཐེག
37a4 ཀུན་འབྱིན་པའི་ཁུངས་པ་ནི།། རྡོ་རྗེ་བླ་མེད་ཐེག་ཆེན་དུ།། ཐེག་གཉིས་ཐེག་གསུམ་ཐེག་དང་བཞི།། བླ་མེད་ཐེག་པར་འདུས་པའི་ཕྱིར།། དེ་ཕྱིར་ཐེག་ཆེན་ཞེས་བྱའོ།། བསྐལ་པས་བཀྲུས་ཀྱང་ནམ་མཁའ་མེད་མི
37a5 འགྱུར།། སྲིད་པར་འཁྱམས་ཀྱང་སེམས་ལ་སྐྱེ་ཤི་མེད།། བྱང་ཆུབ་སེམས་ལ་གསུང་ཞིང་གདགས་སུ་མེད།། གཟུང་འཛིན་མ་ལུས་དབྱིངས་དེར་རྫོགས་པས་ན།། ཐེག་པ་ཆེན་པོ་ཞེས་ནི་བྱ་བ་ཡིན།། ཞེས་སྨྲས
37a6 སོ།། དེ་ནས་ཡང་བཅོམ་ལྡན་འདས་ཀྱིས་མི་འབྱེད་པ་འབྱེད་པ་མེད་པའི་རྒྱལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐེག་པ་ཆེན་པོའི་ལྟ་བ་ཉི་ཤུ་རྩ་ལྔ་ཕྱེ་བ། རྫོགས་པ་ཆེན་པོའི་ལྟ་བ་ལྔ་ཕྱེ
iiif viewer powered by OpenSeadragon
