| e-texts navigator |
| Wylie |
36b1 ཚོགས་ཞེས་བྱ་སྟེ།། རྡོ་རྗེ་རྒྱ་མཚོ་རིན་པོ་ཆེ།། སྣ་ཚོགས་ཕྱིར་ན་སེམས་ཞེས་བྱ།། དེ་ཕྱིར་སེམས་ཉིད་སུས་མཐོང་བས།། མདོ་སྡེ་འདུལ་བ་ཀུན་ཤེས་ཕྱིར།། སེམས་ཉིད་ཤེས་པས་ཉོན་མོངས་དག། འོན་ཀྱང་སེམས
36b2 ཉིད་བལྟ་བ་གཅེས།། སྣ་ཚོགས་རྒྱུ་བ་འཁོར་བའི་ཆོས།། མི་སེམས་མི་རྒྱུ་བྱང་ཆུབ་བོ།། གདོད་ནས་དག་པས་སྦྱང་དུ་མེད།། གཉེན་པོར་གནས་པས་ནུས་མཐུ་ཅན།། ཡེ་ནས་གནས་པས་རང་བཞིན་མེད།། ལྷུན་གྱི
36b3 རྫོགས་པས་ཆུབ་པ་གནས།། དམ་ཚིག་ཐེག་ཀུན་སྲོག་གི་མཁར།། མཁར་འགྲམ་རྩ་བ་རྙེད་པ་ན།། མ་བསྡུས་ཐམས་ཅད་ལྷུན་གྱི་རྫོགས།། བླ་མ་བཀུར་བའི་གནས་ཡིན་པས།། སྲིད་ཞུ་ཆུངས་ན་ཉམས་པའི
36b4 གཞི།། དེ་ཕྱིར་བླ་མ་བཀུར་བར་རིགས།། སྲིད་ཞུ་བཀུར་བྱས་སངས་རྒྱས་རྙེད།། འོན་ཀྱང་བླ་མ་བཀུར་བར་བྱའོ།། མཆེད་གྲོགས་མི་འབྲལ་འགྲོགས་པའི་རྒྱུ།། སྔ་ཕྱི་གསུམ་དུ་འགྲོགས་པས་ན།། དུས་གསུམ་རྒྱལ
36b5 བ་རྙེད་པའི་ཕྱིར།། གཏན་བྲལ་གྱེས་པ་བྱུང་བ་རེ།། དེ་མེད་སངས་རྒྱས་མངོན་སུམ་མོ།། སེམས་ཞེས་བྱ་བ་སངས་རྒྱས་ཡིན།། དེ་ཕྱིར་སངས་རྒྱས་སུ་འདོད་དང་།། དངོས་གྲུབ་ཐོབ་པར་འདོད་པ་དང་།། བྱང་ཆུབ
36b6 ཤེས་པར་འདོད་པ་རྣམས།། སེམས་ཉིད་ལྟ་བ་དོན་ལ་མཁས།། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དགའ་རབ་རྡོ་རྗེ་དང་། རྡོ་རྗེ་ཤིན་ཏུ་མཛེས་པ་ལ་སོགས་པ་རྣམས་ཀྱིས་མེ་ཏོག་ལ་སོགས་པ
iiif viewer powered by OpenSeadragon
