| e-texts navigator |
| Wylie |
36a1 །། རྒྱ་གར་སྐད་དུ། བཛྲ་ཁ་ས་མཱུ་ལ་ཨ། བོད་སྐད་དུ། རྡོ་རྗེ་སེམས་དཔའ་ནམ་མཁའ་ཆེ་རྩ་བའི་རྒྱུད་སྐྱེ་བ་མེད་པ།། བཅོམ་ལྡན་འདས་རྡོ་རྗེ་སེམས་དཔའ་ནམ་མཁའ་ཆེ་ལ་ཕྱག་འཚལ་ལོ།། འདི་སྐད
36a2 བདག་གིས་བཤད་པའི་དུས་གཅིག་ན།། མཚན་མ་མེད་པའི་གནས་ཤིན་ཏུ་ཡིད་དུ་འོང་བའི་འཛིངས། བཅོམ་ལྡན་འདས་དཔལ་བདེ་བ་ཆེན་པོ་ཆེ་བའི་ཆེ་བ་བླ་ན་མེད་པའི་ཀློང་ན་བཞུགས་པ་ལས། བླ་ན་མེད་པས
36a3 འདུལ་བར་གཟིགས་ནས། མཚན་མའི་གནས་ཤིན་ཏུ་ཡིད་དུ་འོང་བར་སྐུ་བསྲང་བ་ལ། བྱང་ཆུབ་སེམས་དཔའ་དགའ་རབ་རྡོ་རྗེ་དང་།། རྡོ་རྗེ་མཛེས་པའི་ཚལ་དང་། ཤིན་ཏུ་བརྟན་པ་དང་། གནོད་སྦྱིན་མོ་བྱང་ཆུབ
36a4 ལ་སོགས་པས། མེ་ཏོག་མན་ད་ར་བ་ཁལ་བརྒྱ་གཏོར་ཏེ། བཅོམ་ལྡན་འདས་སྣང་བ་མེད་པའི་དོན་བཀའ་སྩལ་དུ་གསོལ་ཞེས་ཞུས་པས། བཅོམ་ལྡན་འདས་ཀྱིས་ཟབ་མོ་སྣང་བ་མེད་པའི་ཀློང་ནས་ཏིང་ངེ་འཛིན
36a5 ལས་བཞེངས་ཏེ་བཀའ་སྩལ་པ། བླ་མེད་ཐེག་པ་བླ་ན་མེད།། ཐེག་པ་ཆེན་པོ་གང་ཞོན་པ།། འཁོར་བ་དག་ལས་ངེས་པར་འབྱུང་།། ཐེག་གཞན་བརྟེན་པའི་གནས་ཡིན་པས།། ཐེག་པ་འདི་ལ་བསྒོམ་པར
36a6 རིགས།། ཐེག་ཆེན་འདི་ལ་སུ་བསྒོམ་པ།། རྒྱལ་བ་སངས་རྒྱས་རྣམས་དང་མཚུངས།། ཐེག་ཆེན་བྱང་ཆུབ་སེམས་ཡིན་པས།། སངས་རྒྱས་བྱང་ཆུབ་སུ་འདོད་པ།། བྱང་ཆུབ་སེམས་ཀྱི་མཚན་ཉིད་དོ།། སེམས་ནི་སྣ
iiif viewer powered by OpenSeadragon
