| e-texts navigator |
| Wylie |
34a1 ཡིས།། ཐུགས་ཀྱི་རྒྱལ་སྲས་བདུན་ལ་གཏད།། དེ་དག་རིག་པར་མཐར་ཕྱིན་ནས།། དེ་བཞིན་རྩོལ་བྲལ་ཆོས་ལ་བཀོད།། རྡོ་རྗེ་འཛིན་པའི་སྡེ་དཔོན་གྱིས།། སེམས་ཉིད་རིག་པའི་ཐེག་པ་རྟོགས།། ལྷ
34a2 གནས་གསུམ་དུ་གྲགས་འགྱུར་ནས།། ཡང་སྦྲུལ་རྒྱལ་སྲས་ཁྱོད་ཀྱིས་སུ།། འཛམ་གླིང་དབུས་སུ་རྒྱས་པར་གྱིས།། རྒྱལ་འཐེབ་གསང་བའི་སྣོད་ལྡན་ལ།། རྣ་བརྒྱུད་རིག་པ་གསང་བའི་རྒྱུད།། ཐུགས་རྗེས་སྤྲུལ་པའི
34a3 སྒོ་ནས་སྟོན།། གསང་འཛིན་རིག་པའི་སྣོད་ལྡན་རྣམས།། མ་བཅོས་གསང་བའི་དོན་གོ་ནས།། རྣམ་གྲོལ་འབྲས་བུ་ཐོབ་པར་འགྱུར།། མཉམ་པའི་དོན་ལ་མཉམ་གཞག་ན།། དེ་མ་ཐག་ཏུ་རིག་པ་འཆར།། གསང
34a4 བའི་སྣོད་ལྡན་རིགས་འཛིན་བཞིན།། དུས་ཚིགས་ཕྱིར་མར་འབྱུང་བར་འགྱུར།། བསྟན་པ་བཅུད་ཀྱི་མཛོད་འཛིན་ཅིང་།། རིགས་འཛིན་ས་ལ་གནས་པའོ།། རྫོགས་ཆེན་ཨ་ཏིའི་བསྟན་པ་འདི།། བསྒྲུབས་ཀྱང་ནུབ
34a5 པར་མི་འགྱུར་ཏེ།། དོན་ལ་འགྱུར་བ་མེད་པའི་ཕྱིར།། ནམ་མཁའ་བཞིན་དུ་འཇིགས་འདྲལ་མེད།། གདོད་ནས་ཆོས་ཉིད་སྤྲོས་དང་བྲལ།། གཞན་གྱི་ནུབ་པར་མི་འགྱུར་ཏེ།། རྣ་བརྒྱུད་འཕྲུལ་ཚིག་མི་ལྡན་པར།།
34a6 བཞིན་སྤྱད་ནས་སླུ་བ་དང་།། ལྷ་སྤྱོད་ལོག་པའི་ང་རྒྱལ་ཅན།། མ་བཅོས་རང་སྣང་རོལ་པ་དང་།། རྣམ་རྟོག་ཞེན་པའི་བཏགས་པ་དག། བྱེ་བྲག་མ་བྱེད་རྨོངས་པའི་བློས།། བབ་ཅོལ་བསྲེས་ནས་ལོག་པར་སྨྲ།། རྒྱ
iiif viewer powered by OpenSeadragon
