| e-texts navigator |
| Wylie |
33a1 ལ།། དེ་དང་དེ་ཡི་སྐུ་སྤྲུལ་པ།། ཐུབ་དྲུག་ངོ་བོ་ཤཱཀྱ་ཐུབ།། ཞིང་ཁམས་སྟོང་གསུམ་མི་མཇེད་ལ།། གདུལ་བྱ་འགྲོ་བ་དྲུག་འདུལ་ཏེ།། འཁོར་ནི་རང་སྣང་རྣམ་བཞི་ལ།། བསྟན་པ་སྡེ་སྣོད་གསུམ་དུ
33a2 འཆད།། ཅེས་གསུངས་སོ།། གསལ་བ་མཐའ་དང་མཉམ་པ་ལས། སྐུ་གསུམ་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་སེམས་ལྷག་ལྷ་ཡི་བུས།། གསང་བདག་ཆེ་ལ་འདི་སྐད་གསོལ།། བཅོམ་ལྡན་ཐུགས
33a3 ཀྱི་དཀྱིལ་འཁོར་ནས།། ཡེ་ཤེས་རོལ་པ་བཤད་དུ་གསོལ།། གསང་བའི་བདག་པོས་བཀའ་སྩལ་པ།། ཡེ་ཤེས་གསང་བ་སྙིང་པོའི་དོན།། ཀུན་འདས་ཡེ་ཤེས་དག་པའི་འོད།། ཐུགས་རྗེ་ཡེ་ཤེས་ཕྱོགས་མེད
33a4 ཤར།། ཡེ་ཤེས་མེ་ལོང་གཡའ་དག་ལ།། མ་བཅོས་གཟུགས་བརྙན་རང་ཤར་བས།། གསལ་འགྲིབ་མེད་པར་ཟད་ཐལ་ནི།། མེ་ལོང་ལྟ་བུའི་ཡེ་ཤེས་སོ།། སྣང་སྲིད་བྱང་ཆུབ་སེམས་སུ་གསལ།། རང་སར་མཉམ་པས
33a5 ཕྱོགས་བཅུར་བརྡལ།། འགྲོ་འོང་མེད་པས་དབྱིངས་སུ་ཐིམ།། མཉམ་པ་ཉིད་ཀྱི་ཡེ་ཤེས་སོ།། རང་གསལ་རིག་པའི་ཡེ་ཤེས་ཐུགས།། མ་འདྲེས་ཡོངས་རྫོགས་ཀུན་ཏུ་བཟང་།། སོ་སོར་མི་རྟོག་ཡེ་ཤེས་ཉིད།། མ
33a6 འདྲེས་གསལ་བའི་ཡེ་ཤེས་སོ།། མི་འདའ་ཕྱག་རྒྱ་ཆེན་པོ་ལ།། རང་བྱུང་མཛད་པ་ཅིར་ཡང་འཆར།། གདུལ་བྱའི་བྱ་བ་ཀུན་སྒྲུབ་པས།། བྱ་བ་སྒྲུབ་པའི་ཡེ་ཤེས་སོ།། མ་བཅོས་དབྱིངས་ཀྱི་ཆོས་ཉིད་ནི།། འཛིན་རྟོག
iiif viewer powered by OpenSeadragon
