| e-texts navigator |
| Wylie |
32b1 ཡེ་ཤེས་ས་གཅིག་གི་ལེའུ་སྟེ་བཅུ་བཞི་པའོ།། །། དེ་ནས་སྤྲུལ་པ་ལྷ་ཡི་བུས།། གསང་བདག་རྡོ་རྗེ་འཛིན་པ་ལ།། མཐར་ཕྱིན་སྐུ་གསུམ་བཤད་དུ་གསོལ།། ཞེས་ཞུས་པ་དང་། གསང་བའི་བདག་པོས་བཀའ
32b2 སྩལ་པ།། སྣང་བ་མ་བཅོས་ཆོས་ཀྱི་སྐུ།། རིག་པ་མ་སྦྱངས་ལོངས་སྤྱོད་རྫོགས།། ཐུགས་རྗེ་སྤྲུལ་བའི་སྐུ་རུ་ཤར།། ཆོས་སྐུས་ནམ་མཁའི་ཁམས་ཀུན་ཁྱབ།། ཞིང་ཁམས་སྣང་སྲིད་ཐམས་ཅད་དང་།། དུས་གསུམ
32b3 སངས་རྒྱས་ཐམས་ཅད་དང་། ཁམས་གསུམ་སེམས་ཅན་ཐམས་ཅད་ཀུན།། ཆོས་སྐུ་མ་བཅོས་འཁོར་དུ་འདུས།། ཆོས་སྐུ་དངོས་མེད་ཡེ་ཤེས་ཉིད།། བློ་ལས་གྲོལ་ཏེ་བསམ་དུ་མེད།། བརྗོད་པའི་ཐ་སྙད་ཀུན་དང
32b4 བྲལ།། མི་འགྱུར་རྡོ་རྗེ་ནམ་མཁའ་འདྲ།། ལོངས་སྤྱོད་རང་རིག་ཡེ་ཤེས་ཏེ།། གཟུགས་ཀྱི་སྐུ་རུ་ཤར་བ་ནི།། མཚན་དང་དཔེ་བྱད་སྤྲས་པ་ལ།། སྣང་ལ་རང་བཞིན་མེད་པའི་ལུས།། མེ་ལོང་ནང་གི་གཟུགས་བརྙན
32b5 བཞིན།། ཡེ་ཤེས་སྒྱུ་མར་སྣང་བའོ།། ལོངས་སྤྱོད་རྫོགས་པའི་ཞིང་ཁམས་ནི།། འདོད་པའི་ལོངས་སྤྱོད་ཐམས་ཅད་ལ།། སྤྱོད་ཀྱང་མ་ཆགས་ལོངས་སྤྱོད་ཡིན།། དེ་བཞིན་མེ་ཏོག་རྒྱན་པའོ།། འཁོར་ནི་བྱང་ཆུབ
32b6 སེམས་དཔའི་འཁོར།། ཚིགས་དང་ཡི་གེར་མི་བརྗོད་ཀྱང་།། བརྡ་ཡིས་ཆོས་རྣམས་འཇལ་བར་སྟོན།། ཏིང་འཛིན་རིག་པའི་གདེང་གིས་གོ། ཐུགས་རྗེས་ཡེ་ཤེས་སྤྲུལ་པའི་སྐུ།། གདུལ་བྱ་གང་དང་གང་འདུལ
iiif viewer powered by OpenSeadragon
