| e-texts navigator |
| Wylie |
32a1 པ།། གདོད་ནས་མ་སྐྱེས་དོན་གྱིས།། ཐོབ་སྒྲུབ་ཀུན་གྱི་ཡུལ་ལས་འདས།། རེ་དོགས་བློ་ལས་རྣམ་པར་གྲོལ།། གོ་བའི་ཡུལ་ན་བགྲོད་དུ་མེད།། མ་བཅོས་ཡེ་ཤེས་བླ་མའི་ས།། སྦྱངས་པ་མ་ཡིན་ཡེ་ནས
32a2 གྲུབ།། རང་བྱུང་རྣམ་དག་ཀུན་ཏུ་བཟང་།། དབྱེར་མེད་བདེ་བ་ཆེན་པོའི་སྐུ།། སྐུ་དང་མདོ་སྡེ་བླ་མེད་ས།། ཉན་ཐོས་དགྲ་བཅོམ་པ་ཡིས།། རང་རྒྱལ་ཡིད་ཞིན་བདེ་བའི་ས།། ཀུན་ཏུ་འོད་དང་རྡོ་རྗེ་འཛིན།། སྟུག་པོ
32a3 བཀོད་པ་པདྨ་ཅན།། ཚོགས་ཆེན་ཡི་གེ་འཁོར་ལོ་དང་།། ཀུན་བཟངས་དབྱེ་བ་མེད་པའི་ས།། ས་རྣམས་སེམས་ལ་བགྲང་བ་ཡང་།། ཡེ་ཤེས་གསང་བ་ཅིག་ལ་སྨྲས།། རྫོགས་པ་ཆེན་པོ་ས་གཅིག་པ།། གང་གིས་དེ
32a4 རྟོགས་དེ་ཡི་ས།། རྟོགས་པས་ཡོན་ཏན་དྲུག་ཏུ་ཤར།། བཀྲ་གསལ་གཟུགས་ཀྱི་དཀྱིལ་འཁོར་ལ།། འོད་གསལ་རང་བྱུང་ངོ་མཚར་ཆེ།། བརྗོད་བྲལ་སྒྲ་ཡི་དཀྱིལ་འཁོར་ལ།། གྲག་སྟོང་རིག་པའི་འོད་གསལ
32a5 ར། རང་བཞིན་སྣ་ཚོགས་དྲི་དག་ལ།། ཡེ་ཤེས་གསལ་བའི་རང་བྱུང་སེམས།། མུ་ཁ་རོ་ཡི་དཀྱིལ་འཁོར་ལ།། བདུད་རྩི་ཐིགས་པ་ལྕེ་ལ་ཞོག། གསལ་བའི་རེག་བྱའི་བདེ་བ་ལ།། གངས་རི་རྩེ་ནས་བསྙིལ་བར
32a6 བྱ།། ཀུན་འདུས་ཆོས་ཀྱི་དཀྱིལ་འཁོར་ལ།། རྒྱལ་པོ་བཙོན་དུ་གཟུང་བར་བྱ།། དེ་ལྟར་ཚོགས་དྲུག་གྲོལ་བ་ཡིས།། ཤིང་རྟའི་གཟེར་མགོ་གཅད་པར་བྱ།། ཞེས་བཀའ་སྩལ་ཏོ།། གསལ་བ་མཐའ་དང་མཉམ་པ་ལས།།
iiif viewer powered by OpenSeadragon
