| e-texts navigator |
| Wylie |
31b1 ཤིང་།། དོན་དམ་བདེ་བའི་རྩིས་ཟིན་ན།། སྤྱོད་པ་ཞེས་ནི་དེ་ལ་བྱ།། ངག་གི་སྙིང་པོ་བཟླས་བརྗོད་མེད།། མ་བཅོས་གསུང་གི་སྤྱོད་པ་ལ།། དཔེར་ན་བིང་ཀའི་སྐད་བཞིན་དུ།། འགག་མེད་གྲག་སྟོང་སྐྱེ་མེད
31b2 གསུང་།། གང་ལྟར་བྱས་ཀྱང་བདེ་བར་སྤྱོད།། འཆིང་གྲོལ་མེད་པའི་སྤྱོད་པའོ།། སེམས་ནི་འཕྲོ་འདུའི་ལས་མི་བྱེད།། རང་གསལ་ཀློང་ལ་ཡེ་གནས་པས།། དྲན་བསམ་རྒྱུ་བ་གང་ཡང་མེད།། སྤྲོས་མེད་ནམ་མཁའི་ལྟ།
31b3 བུར་བདེ།། རང་གསལ་ཡེ་ཤེས་ཆེན་པོར་ཤར།། སྐྱེ་མེད་བློ་ལས་འདས་པར་སྤྱོད།། བློ་འདས་དགོངས་པ་ཁོང་ཆུད་ན།། ནམ་མཁའ་རྡོ་རྗེའི་སྤྱོད་པའོ།། ཕྱི་ནང་གསང་བ་ཁོ་ན་ཉིད།། ཕྱི་རྟོག་ནང་དུ་བསྡུ་བ
31b4 དང་།། ནང་རྟོག་གསང་བར་བསྟིམ་པ་དང་།། གསང་རྟོག་ཁོ་ན་ཉིད་དུ་གྲོལ།། གྲོལ་ནས་གྲོལ་བའི་ལམ་ཡང་སྟོན།། སྙིང་པོ་ཀློང་ནས་གྲོལ་བ་ལ།། མངོན་སུམ་རྗེས་དཔག་ལོག་པར་སྤྱོད།། རྟོག་གེའི་སྤྱོད་ཡུལ་མ
31b5 ཡིན་ནོ།། སེང་གེ་གླང་ཆེན་འཐབ་པ་དེ།། ཝ་སྤྲེ་དག་གིས་སྐྱོ་མ་བཅུག། སྐམ་གཉིས་ཨེ་ལ་འཐུན་ཙམ་ན།། ཕྲ་མ་མཁན་དེ་སྦྱར་ལ་འབྱུང་།། ཞེས་གསུངས་སོ།། གསལ་བ་མཐའ་དང་མཉམ་པ་ལས། ཡེ་ཤེས་འབར
31b6 བའི་ལེའུ་སྟེ་བཅུ་གསུམ་པའོ།། །། དེ་ནས་ལྷའི་བུ་དེས། གསང་བའི་བདག་ལ་འདི་སྐད་གསོལ།། སངས་རྒྱས་ཀུན་གྱི་མཐར་ཐུག་པ།། ཡེ་ཤེས་ས་ཅིག་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ
iiif viewer powered by OpenSeadragon
