| e-texts navigator |
| Wylie |
31a1 འཆར།། མངོན་ཤེས་ལ་སོགས་མཚན་མ་ཐོབ།། མཁའ་འགྲོའི་ལུང་བསྟན་ལ་སོགས་འབྱུང་།། དེ་དག་དགའ་བྲོད་མི་བྱ་ཞིང་།། མེད་ཀྱང་ཇི་མི་སྙམ་པའི་ཉམས།། རྟོག་པའི་མཚན་མ་ཅི་སྐྱེས
31a2 ཀྱང་།། དེ་ཉིད་ཆོས་ཉིད་ཡིན་ཤེས་ན།། དུག་ལ་སྨན་དུ་ཤེས་པ་བཞིན།། ཆོས་ཉིད་གཞན་ནས་བཙལ་ཅི་དགོས།། རྣམ་རྟོག་གཉེན་པོར་མི་རྟོག་སྒོམ།། དེ་ཀ་རྟོག་པ་ཆེན་པོ་ཡིན།། བཟང་རྟོག་ངན་རྟོག་ལས་གྲོལ
31a3 བས།། རྫོགས་ཆེན་རྟོགས་པའི་རྣལ་འབྱོར་བདེ།། ཞེས་གསུངས་སོ།། གསལ་བ་མཐའ་དང་མཉམ་པ་ལས། ཡེ་ཤེས་གསལ་བའི་ལེའུ་སྟེ་བཅུ་གཉིས་པའོ།། །། དེ་ནས་ཀུན་དགའ་སྙིང་པོས་ཞུས།། ཡེ་ཤེས
31a4 འབར་བ་སྤྱོད་པའི་གློང་།། སྟོན་པ་ཐུགས་ཀྱི་དཔལ་བེའུ་ནས།། གསང་བའི་བདག་པོས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། ཉོན་ཅིག་སེམས་ལྷག་ལྷ་ཡི་བུ།། ཡེ་ཤེས་གསང་བ་ཐུགས་ཀྱི
31a5 མཛོད།། འབྱེད་པར་བྱེད་པའི་ལྡེ་མིག་ནི།། ཡེ་ཤེས་འབར་བའི་སྤྱོད་པ་ཡིན།། སེམས་ཉིད་དོན་གྱི་ཡེ་ཤེས་ལ།། སྤྱད་པར་བྱ་བའི་གནས་དང་བྲལ།། བྱ་བྲལ་དང་ལས་རྣམ་པར་རོལ།། མི་བརྩལ་མ་སྤྱོད་ཞེས་དེ
31a6 བྱ།། ལུས་ངག་ཡིད་གསུམ་སྤྱོད་པ་ནི།། ལུས་ཀྱི་ཕྱག་རྒྱ་རྩོལ་བ་མེད།། ཐ་མལ་ཆེན་པོ་དེ་བཞིན་ཉིད།། བག་ཡངས་སྤྱོད་པ་ལྷུག་པར་བདེ།། འགྲོ་འཆག་ཉལ་དང་འདུག་པ་རྣམས།། ཅི་སྤྱོད་དོན་ལས་མ་གཡོས
iiif viewer powered by OpenSeadragon
