| e-texts navigator |
| Wylie |
30b1 ནི།། ཐམས་ཅད་རང་གྲོལ་ཆེན་པོར་ཤར།། དུག་སྦྲུལ་འབར་བའི་མདུད་པ་བཞིན།། རྩོལ་སྒྲུབ་མེད་པར་རང་སར་གྲོལ།། དེ་ལྟར་དུས་བཞིན་བསྒོམས་པ་ཡིས།། རྣལ་འབྱོར་ནམ་མཁའི་བྱ་ལམ་ལ།། མ་གོམས་ངལ
30b2 དུབ་ཐུན་ཆེས་པས།། བྱིང་རྨུགས་རབ་ཏུ་འཐིབས་པ་དང་།། ལྕི་ཞིང་འཐམས་ལ་དོན་མི་གསལ།། སྒྲོ་ལྔ་ཡུལ་ལ་འཕྲོ་བ་དང་།། ཡིད་འཁྲུལ་དྲན་རྟོགས་བག་ཆགས་ལྡང་།། རྣམ་རྟོག་ཀུན་བུར་འཛག་པ་རྣམས།། བྱིང
30b3 རྒོད་སྐྱོན་དུ་གཏང་མི་བྱ།། བྱིང་ན་གསང་ལ་འཐོར་ན་བསྡུ།། བྱིང་བའི་སྐྱོན་རྣམས་བཅོས་པ་ནི།། ས་མཐོ་སེར་བུ་བསིལ་བའི་སར། ཁྲུས་བྱས་ལུས་བཅག་རྒྱང་མིག་བལྟ།། གླུ་བླང་གར་བྱ་རྒྱང་མིག་བལྟ།། འཐམས
30b4 ན་བཤིག་གིན་རིག་པ་དབྱེར།། རྒོད་པ་རྣམས་ཀྱི་བསྡུ་བ་ཡང་།། གཏད་དང་གཟུང་དང་རང་སར་གྲོལ།། རང་བྱུང་རང་ཞི་ནམ་མཁའི་དཔེ།། ལྟ་བ་དྲན་པས་བཅོས་པའོ།། དེ་ལྟར་ཟླ་དྲུག་སྒོམ་པ་དང་།། གཡོ་དང
30b5 གོམས་དང་ཐོབས་དང་བརྟན།། གསལ་བ་ནམ་མཁའ་ལྟ་བུ་འབྱུང་།། ནམ་མཁའ་དངས་པའི་ཟླ་བ་བཞིན།། ཀུན་ཏུ་སྙོམས་ལ་རྟོག་སྒྲིབ་མེད། ཁ་སྐོམ་ཟས་དང་བྲལ་བྱས་ཀྱང་།། མདངས་དང་དབང་པོ་གཏིང་ན
30b6 གསལ།། བཟོད་ཐོབ་ཆོས་བརྒྱད་སྤོང་ལེན་མེད།། འདོད་ཡོན་ལྔ་ལས་རྣམ་པར་གྲོལ།། ཉོན་མོངས་ཞེན་འཛིན་རྟོག་པ་ཟད།། ལུས་ཡང་ཤིང་བ་ལ་དབུགས་མི་ཚོར།། གྲུབ་པའི་དྲོད་དང་རྟགས་རྣམས་མ་བཅོས་པ
iiif viewer powered by OpenSeadragon
