| e-texts navigator |
| Wylie |
29b1 ལ།། སྐུར་བའི་ཆ་གཉིས་མི་རྟོག་སྟེ།། བརྡ་དོན་སྤྲོད་པའི་གདམས་ངག་སྦྱིན།། སྤྲད་པ་གསུམ་གྱི་གདམས་ངག་གིས།། དམར་ཁྲིད་ངོ་སྤྲད་བསྟན་པ་དང་།། སྒོམ་ཁྲིད་ཐུན་གྱིས་ཐུན་དུ་དྲང་།། བྱང་ས་གནས
29b2 ས་ཐིམས་གསུམ།། བར་དོའི་གདམས་ངག་ཤེས་པར་བྱ།། གནད་ཀྱི་གདམས་ངག་མ་ཤེས་ན། ཁ་ལྟ་མང་པོས་དོན་མི་རྟོགས།། སྒྲ་དང་ཚད་མ་གང་གིས་ཀྱང་།། རིག་པའི་ཡེ་ཤེས་རྙེད་མི་འགྱུར།། རྟོགས་པའི་ལྟ་བ
29b3 རིག་པའི་གཏེར།། མཚན་མ་མ་སྤངས་རང་སར་གྲོལ།། འཁོར་བ་མ་བཀག་གནས་སུ་དག། འཁྲུལ་པ་མ་བསལ་རྩ་ནས་ཆོད།། དུག་ལྔ་མ་བསྒྱུར་ཆོས་ཉིད་ཀློང་།། རྩོལ་སྒྲུབ་མེད་པར་ཡེ་སངས་རྒྱས།། ཡིན་པའི
29b4 དོན་ལ་ཡིན་པར་ཤེས།། ལྟ་བ་འདི་ལ་གང་གནས་པ།། སངས་མ་རྒྱས་པ་གཅིག་ཀྱང་མེད།། ཤར་ཚད་རང་ཤར་ཆེན་པོ་ལ།། ཕྱོགས་སུ་མ་ལྷུང་འོད་གསལ་ཆེ།། འཆིང་གྲོལ་མེད་པས་ལྟ་བ་ཡིན།། ཞེས་གསུངས
29b5 སོ།། གསལ་བ་མཐའ་དང་མཉམ་པ་ལས། ཡེ་ཤེས་མཛོད་ཀྱི་ལེའུ་སྟེ་བཅུ་གཅིག་པའོ།། །། དེ་ནས་སེམས་ལྷག་ལྔ་ཡི་བུས།། གསང་བའི་བདག་པོ་རྡོ་རྗེ་ཅན།། བཅོམ་ལྡན་འདས་ལ་འདི་སྐད་གསོལ།། ཡེ
29b6 ཤེས་གསང་བ་ཐུགས་ཀྱི་བཅུད།། ཏིང་འཛིན་སྒོམ་པའི་བསམ་གཏན་ཞུ།། ཞེས་གསོལ་པ་དང་། གསང་བའི་མངའ་བདག་བཅོམ་ལྡན་འདས།། གསང་བའི་བདག་པོས་བཀའ་སྩལ་པ།། དང་པོ་རང
iiif viewer powered by OpenSeadragon
