| e-texts navigator |
| Wylie |
29a1 མེད།། ཐིག་ལེ་ཆེན་པོ་སྤྲོས་དང་བྲལ།། མུ་སྟེགས་ལྷུན་གྲུབ་མ་ཡིན་ཏེ།། ལྷུན་གྲུབ་འདོད་པ་ཀུན་དང་བྲལ།། རྒྱ་ཆད་ཕྱོགས་ལྷུང་མེད་པས་བདེ།། ཞེས་གསུངས་སོ།། གསལ་བ་མཐའ་དང་མཉམ་པ
29a2 ལས། དམ་ཚིག་གི་ལེའུ་སྟེ་བཅུ་པའོ།། །། དེ་ནས་སེམས་དག་ལྷ་ཡི་བུས།། གསང་བའི་བདག་པོ་བཅོམ་ལྡན་འདས།། བཅོམ་ལྡན་ཐུགས་ཀྱི་བང་མཛོད་ནས།། ཡེ་ཤེས་གསང་བ་རྟོགས་པའི་ཕྱིར།། ཡེ
29a3 ཤེས་མཛོད་ཆེན་བཤད་དུ་གསོལ།། ཞེས་ཞུས་པ་དང་།། གསང་བའི་བདག་པོ་བཅོམ་ལྡན་འདས།། རྡོ་རྗེ་འཆང་གིས་བཀའ་སྩལ་པ།། གདོད་ནས་མ་སྐྱེས་སྙིང་པོ་ཨ།། སྒྲོ་སྐུར་ལྟ་བ་ཀུན་དང་བྲལ།། ཐམས་ཅད
29a4 གཅིག་གི་རང་བཞིན་ལ།། སྤངས་འགེགས་བྱིས་པས་སྨད་པ་མེད།། དབྱེར་མེད་ཡེ་ཤེས་ལྔ་ལྡན་ལ།། སྦྱོང་བགྲོད་གཉིས་ལྟ་རང་སར་གྲོལ།། སྐྱེ་འགག་གཉིས་སུ་མེད་པ་ལ།། བསྐུར་དང་སྤྱོད་ལྔ་རྣམ་པར
29a5 དག། རྣམ་དག་ལམ་ཆེན་ཀུན་གྲོལ་ཕྱིར།། མི་སྐྱེ་མི་འགག་ཅིར་མི་དགོངས།། གོ་བའི་ཡུལ་ན་བདེ་བ་ཆེ།། འདི་ནི་རྣམ་དག་འཇིག་རྟེན་ཡིན།། དེས་ན་ལུང་ལྡན་བླ་མ་ཡིས།། རྒྱལ་སྲས་སློབ་མ་སྐལ་ལྡན་ལ།། སྤྱི།
29a6 བླུགས་དབང་ལ་གནས་བྱས་ཏེ།། རྣ་བརྒྱུད་གདམས་ངག་ནོད་པར་བྱ།། བགྲོད་མེད་ལམ་ལ་གནས་བྱས་ན།། སྦྱངས་མེད་ས་ཡི་ཡོན་ཏན་འཕེལ།། པྲ་ཁྲིད་སེམས་ཀྱི་དོན་བསྟན་པས།། སེམས་ཉིད་རིན་ཆེན་སྙིང་པོ
iiif viewer powered by OpenSeadragon
