| e-texts navigator |
| Wylie |
28b1 འགྱུར་ཆོས་ཉིད་ལ།། རང་གཞག་རིག་པ་མི་འདའ་ན།། སེམས་ཉིད་གཅིག་པུའི་དམ་ཚིག་གོ། དུས་གསུམ་སངས་རྒྱས་ཐམས་ཅད་ལ།། དམ་ཚིག་འདི་ལས་ཡོང་མི་འདའ།། དེ་ལ་དམ་ཚིག་ཕྱི་དང་ནང་།། རང
28b2 བཞིན་ཕུང་པོ་ཁམས་བཞིན་གནས།། དུས་གསུམ་འདི་དང་མི་འབྲལ་ན།། དམ་ཚིག་མིང་དུ་བཏགས་པ་མེད།། རང་བྱུང་འོད་གསལ་རྣམ་པར་དག། ལུས་དག་རྩོལ་བའི་ནད་མེད་པས།། ཏིང་འཛིན་རིག་པ་རྩལ་གྱི
28b3 དབང་།། མཚོན་པའི་ཐ་སྙད་བྲལ་བའོ།། རེ་ཞིག་ཀུན་བཟང་རོལ་པ་རུ།། གྱི་ནར་ལྷུན་གྲུབ་དམ་ཚིག་ལ།། ཡེ་ཤེས་གསང་བ་བྱ་བཙལ་བྲལ།། འབད་རྩོལ་དམ་ཚིག་ཞི་ནས་དག། སེལ་མེད་རིན་ཆེན་གླིང་བཞིན
28b4 དུ།། རྣམ་དག་ཡེ་ཤེས་རང་བྱུང་ལ།། སྐྱོན་གྱི་དྲི་མ་གདོད་ནས་དག། གཞི་རྩ་མེད་པའི་སེམས་ཉིད་དུ།། བརྟགས་པའི་འཛིན་རྟོག་རྣམ་པར་དག། ལྷུན་གྲུབ་འོད་གསལ་བརྡལ་པ་ལ།། རྣམ་རྟོག་བཏགས་པའི་སེམས
28b5 གྲུབ་ན།། མུ་སྟེགས་སངས་རྒྱས་ཅི་ལ་རྩོད། སངས་རྒྱས་སེམས་ཅན་ཅི་ལ་བཏགས།། རྟོག་པ་མངོན་སུམ་གྲུབ་པ་ཡི།། གཅིག་པུར་འཛིན་པའི་ལོག་རྟོག་ལ།། འཁྲུལ་པའི་ཟ་རམ་ཤིན་ཏུ་དམ།། རིན་ཆེན་འཕྲུལ་གྱི
28b6 ལྡེ་མིག་གིས།། ཐ་མལ་ཞེན་པ་ཇི་ལྟར་བཟློག། མེད་དེ་མེད་པའི་སྙིང་པོ་ཅན།། ཆད་པ་མཐའ་མེད་མ་ཡིན་ནོ།། ཡོད་དེ་རྫས་སུ་གྲུབ་པ་མེད།། ཕྱལ་བ་བཏང་སྙོམས་རྙོག་པ་མེད།། རིལ་པོར་འཛིན་པའི་གཅིག་ཏུ
iiif viewer powered by OpenSeadragon
