| e-texts navigator |
| Wylie |
28a1 ཚིག་ནི།། རྩོལ་བའི་ནད་ཀྱིས་བསྲུང་དུ་མེད།། ཡེ་བསྲུང་གདེང་གི་མཆོད་པ་ལ།། བསྲུང་བྱ་སྲུང་བྱེད་གནང་བཀག་མེད།། རེ་ཞིག་བརྡ་ཙམ་རོལ་པ་ལ།། རིག་པ་གསལ་བའི་དམ་ཚིག་ནི།། རྟོག་ལྡན
28a2 འཁོར་བ་སྒྲོལ་བའི་གྲུ།། རྡོ་རྗེ་ཉིད་མ་ལྟ་བུར་གསལ།། དེས་ན་གསལ་བ་མཐའ་དང་མཉམ།། མེད་པ་ཕྱལ་བ་གཅིག་པུ་དང་།། ལྷུན་གྱིས་གྲུབ་པའི་དམ་ཚིག་གོ། རང་རིག་ཡེ་ཤེས་གསང་བ་ལ།། གཟུང་འཛིན
28a3 མཚན་མའི་ཆོས་མེད་པས།། བརྗོད་དུ་མེད་པའི་སེམས་ཉིད་ཀྱིས།། བསྲུང་དུ་མེད་པའི་ངང་དུ་བསྡམ།། བསྡམ་བྱ་སྡོམ་བྱེད་བྲལ་བས་བདེ།། གཉིས་མེད་རིག་པའི་དམ་ཚིག་ལ།། འདའ་མེད་སྲོག་གི་གནས་གྱུར
28a4 ན།། མ་བཅོས་རྒྱལ་བའི་དམ་ཚིག་ཡིན།། ནམ་མཁའ་ལྟ་བུར་ཁྱབ་པ་ལ།། མཐའ་དང་དབུས་མེད་མ་བཅོས་པས།། འདི་ཡིན་འདི་མན་ཕྱོགས་དང་བྲལ།། ཕྱོགས་བྲལ་སྐྱེས་བུ་ཆེན་པོ་དེས།། ཕྱོགས་གཅིག་སྤང་ཞིང
28a5 སྒྲུབ་ཏུ་མེད།། གཏད་མེད་འཛིན་བྲལ་ཆེན་པོ་ལ།། ཕྱོགས་མཚམས་ངེས་པའི་ཆོས་མ་ཡིན།། སངས་རྒྱས་སེམས་ཅད་ཐམས་ཅད་ལ།། མ་བཅོས་སེམས་ཀྱི་རིག་པ་གཅིག། རྒྱུ་ཡིས་མ་བསྐྱེད་ཡེ་ནས་གྲུབ།། རྐྱེན
28a6 གྱིས་མ་སྦྱངས་གདོད་ནས་དག། རང་བཞིན་རིག་པ་འོད་གསལ་ལ།། མ་ལུས་དགོངས་པ་ཐམས་ཅད་འདུས།། དུས་གསུམ་བདེ་གཤེགས་ཐམས་ཅད་ལ།། རང་བཞིན་དགོངས་པ་གཅིག་ལས་མེད།། རང་སྣང་མི
iiif viewer powered by OpenSeadragon
