| e-texts navigator |
| Wylie |
27a1 བར་གྱུར་པས་དངོས་གྲུབ་པོ།། རོལ་པའི་ཆོ་འཕྲུལ་ལ་བརྟེན་ནས།། རྣལ་མའི་དོན་ནི་རྟོགས་པར་བཤད།། ངག་ལ་རང་གྲོལ་རླུང་གི་དབང་།། བེམ་པོའི་རླུང་དང་རིག་པའི་དབང་།། དང་པོ་གྱེན
27a2 རྒྱུ་ཐུར་རྒྱུ་དང་།། སྲོག་འཛིན་ཁྱབ་བྱེད་མེ་དང་མཉམ།། འབྱུང་བ་རླུང་ལྔ་རིམ་གྱིས་གཟུང་།། རིག་པའི་རླུང་ནི་གཉིས་ཡིན་ཏེ།། ལས་ཀྱི་རླུང་གིས་ཐུར་དུ་ལྟུང་།། ཡེ་ཤེས་རླུང་གིས་གྱེན་ལ་འདྲེན།། རླུང་གི་འཕེན
27a3 པས་ཐམས་ཅད་བྱེད།། བེམས་པོའི་རླུང་ལ་བརྟེན་ནས་སུ།། རིག་པའི་རླུང་ནི་ཟིན་གྱུར་ན།། རྟོགས་པའི་རླུང་ཆེན་དོན་རྟོགས་དེ།། ཡེ་ཤེས་རླུང་ནི་ཟིན་པ་ཡིས།། ཡེ་ཤེས་གསང་བའི་དོན་དང་ཕྲད།། རོལ་པར་རིག
27a4 པ་རྩལ་གྱི་རླུང་།། རྣལ་མའི་དོན་དང་ཕྲད་པར་བཤད།། སེམས་ལ་ཡེ་ཤེས་སྤྱི་བླུགས་དབང་།། རྟོགས་མེད་མཐོང་བའི་ལམ་དང་ཕྲད།། སྒོམ་མེད་དོན་གྱི་གཟེར་ཆེན་གདབ།། བགྲོད་མེད་རྟོག་པའི་འཇིང་དང
27a5 བྲལ།། རྣ་བརྒྱུད་ལུང་གི་གཏེར་ཆེན་སྒྲོལ།། རེ་དོགས་མེད་པའི་བཙུན་ས་ཐོབ།། འདི་དེ་རྡོ་རྗེ་ལམ་མཆོག་སྟེ།། སྐལ་ལྡན་འབད་པ་མེད་པར་གྲོལ།། རྒྱལ་ཐབས་ཀྱི་སེམས་རིན་ཆེན་དབང་།། སྤྱི་བླུགས་ཚངས་པའི
27a6 དབང་ཞེས་བྱ།། རྒྱུད་དང་ལུང་དང་མན་ངག་གསུམ།། གཅིག་ལ་གཅིག་རྟེན་གཅིག་གི་ངང་།། རྩལ་དང་ཆོ་འཕྲུལ་རང་སྣང་གསུམ།། རོལ་པས་ཡེ་ཤེས་གསུང་བར་མཚོན།། དང་པོ་བཅུ་བཞི་ཞག་གི་དུས།། ནུས
iiif viewer powered by OpenSeadragon
