| e-texts navigator |
| Wylie |
26a1 དབྱིངས་སུ་ཐིམ།། མཐོང་བ་སྣ་ཚོགས་རིག་པའི་ཉམས།། བླ་མའི་ཞལ་ལས་ཤེས་པར་བྱ།། དེ་ཕྱིར་ཡེ་ཤེས་གསང་བ་ཡིན།། གསང་སྔགས་སྐྱོན་ཡོད་མ་ཡིན་ཏེ།། བློ་ངན་ཤེས་རབ་ཆུང་བ
26a2 ལ།། ཐུགས་རྗེ་ཆེན་པོ་ཐབས་ཀྱིས་གསང་།། ཞེས་གསུངས་སོ།། གསལ་བ་མཐའ་དང་མཉམ་པ་ལས། ཚད་མ་གསུམ་གྱི་ལེའུ་སྟེ་བརྒྱད་པའོ།། །། དེ་ནས་སེམས་ལྷག་ལྷ་ཡི་བུས།། རྡོ་རྗེ་ཟམ་པར་དབང
26a3 བསྐུར་ཞུས།། གསང་བའི་བདག་པོར་བཀའ་སྩལ་པ།། གནས་དང་དཀྱིལ་འཁོར་དཔོན་དང་གཡོག། འཇུག་ཚུལ་དུས་དང་ཡོན་བདུན་བཤད།། གཞི་ཡི་གནས་དང་རྟེན་པའི་གནས།། ཐམས་ཅད་རང་རིག་སེམས
26a4 ཉིད་དེ།། རྒྱུ་རྐྱེན་བྲལ་བའི་དངོས་བཞི་ནི།། སངས་རྒྱས་སེམས་ཅན་ཐམས་ཅད་ཀྱི།། བཞུགས་གནས་རྨད་བྱུང་ཁྱད་པར་ཅན།། རྟེན་གནས་རི་བོ་དེ་ཤན་ནམ།། ཟ་མ་ཏོག་གི་རྒྱལ་མཚན་ནམ།། རྒྱ་ཕུག་རྡོ་རྗེ་གདན
26a5 སྟེངས་སམ།། ཝཱ་རཱ་ཎཱ་སིའི་བསིལ་ཁང་ངམ།། གྲུ་འཛིན་ཀོ་ཤ་ལི་ཕྲག་གོ། དཀྱིལ་འཁོར་རང་བྱུང་ཡེ་ཤེས་ཏེ།། མ་བཅོས་དངོས་གཞིའི་དཀྱིལ་འཁོར་ཉིད།། ཐམས་ཅད་རང་རིག་ཡེ་ཤེས་གསལ།། མཁའ་ལྟར་ཁྱབ
26a6 པའི་བདེ་ཆེན་ནོ།། ཙིཏྟ་རིན་ཆེན་དཀྱིལ་འཁོར་ནི།། འོག་མིན་རིག་པའི་གཞལ་ཡས་ཁང་།། ཟག་པ་ཟད་པའི་མཚན་ཉིད་དེ།། དངས་མ་གསུམ་གྱི་རྩེ་མོར་སྒོམ།། བརྡ་དོན་སྤྲོད་པའི་སློབ་དཔོན་ནི།། རང་རྒྱུད་མ
iiif viewer powered by OpenSeadragon
