| e-texts navigator |
| Wylie |
261b1 བདེ།། ལུང་སྟོན་ལྟ་བས་ཐག་བཅད་བཞིན།། བསམ་མེད་དྲན་པ་མ་ཤེས་ཏེ།། ལུས་སེམས་ཁོང་སློད་ལྷུག་པར་གནས།། དེ་ཉིད་དོན་ལ་མི་གཡོ་བར།། ཆ་ཤས་བཟེས་པས་དོན་མི་བཟུང་།། མི་བསྐུལ་མི་སྤྲོས་མི
261b2 རྟོག་གསལ།། རྡུལ་ཕྲན་རིག་པ་དེ་ཉིད་ཙམ།། སེམས་ཉིད་ལྷུག་པ་གླང་ཆེན་འདྲ།། རིག་པ་གླང་ཆེན་བཅོས་མེད་བཞག། ཉམ་ང་མེད་པས་ཁྱུད་དང་མཚུངས།། སྐྱོད་པ་མེད་པས་རྒྱ་མཚོ་འདྲ།། མཐའ་དང་བྲལ་བས
261b3 ནམ་མཁའ་བཞིན།། དགོས་པ་སྐོང་བས་རིན་ཆེན་འདྲ།། བདེ་བ་བསྐྱེད་པས་སྨན་དང་འདྲ།། དེ་འདྲའི་འོད་ཟེར་སྟོབས་ཀྱི་གསལ།། མི་བསྡུ་ཆེད་དུ་ཡིན་པ་མེད།། གོམས་པའི་ཤུགས་ཀྱི་འབྱུང་གྱུར་ན།། འཛིན་པའི
261b4 རྟོག་པ་རྗེས་སུ་དྲན།། དེ་འདྲ་དེ་ཡིན་དེ་གསལ་མེད།། དེ་ཉིད་མི་དམིགས་ནམ་མཁའ་འདྲ།། གང་ལྟར་མ་ཡིན་དེ་ལྟར་ཡིན།། ཞེས་གསོལ་ཏོ།། རིག་པ་ནམ་མཁའ་ལྟར་གསལ་བའི་རྒྱུད་ལས། འཛིན་རྟོག་ཡེ་ཤེས
261b5 སུ་གསལ་བའི་ལེའུ་སྟེ་བརྒྱད་པའོ།། །། དེ་ནས་ཡང་སྤྲུལ་པའི་སྤྲུལ་པ་དེས། མཚན་གྱི་དོན་ལ་འཇུག་པའི་མན་ངག་འདི་ཉིད་སྟོན་ཅིང་། འདི་སྐད་ཅེས་གསོལ་ཏོ།། ཐ་དད་བརྟགས་པའི་ཡུལ་མེད་ན།། རིག་པ
261b6 མ་འགགས་ཕྱོགས་མེད་གསལ།། དེ་ཉིད་དེ་ལ་འཛིན་མེད་རྒྱ་མེད་རྒྱུར་སྣང་གསལ།། དེ་ཕྱིར་དེ་ཉིད་རང་རིག་ཡིན་ཕྱིར་འཛིན་རྟོག་བྲལ།། གང་གིས་དེ་ལ་དེ་རྟགས་མེད་ཕྱིར་དེ་ཡིས་སྟོང་།། རྒྱུ་ཡིས་བསྐྱེད་པ་མེད
iiif viewer powered by OpenSeadragon
