| e-texts navigator |
| Wylie |
261a1 བསྐྱེད་ཡེ་ནས་གྲུབ།། ཅི་ཡང་མ་ཡིན་ཅིར་ཡང་སྣང་།། བརྟགས་ན་དངོས་གཞི་གང་ཡང་མེད།། དེ་ཕྱིར་དེ་ལ་ངོ་མཚར་ཆེ།། ཆོས་རྣམས་མ་ལུས་དེ་རུ་འདུས།། འདུས་པ་ཉིད་ན་དེ་ལས་བྱུང་།། ཨེ་མ
261a2 ཀུན་ཏུ་བཟང་པོའི་ས།། དེ་ཕྱིར་དེ་ལ་ངོ་མཚར་ཆེ།། ཡེ་ཤེས་རིག་པ་རང་གསལ་ལ།། ཐིག་ལེའི་མཚན་ཉིད་ཡེ་ནས་གྲུབ།། ཆེ་བའི་རྒྱན་གྱིས་རྣམ་པར་བརྒྱན།། གཉེན་པོ་མེད་པས་ཡེ་ནས་ཆེ།། སྤང་བྱ་མེད་པས་ཡེ
261a3 ནས་གསལ།། ཐ་དད་མེད་ཕྱིར་གཉིས་དང་བྲལ།། འདུ་འབྲལ་མེད་པའི་ཡེ་ཤེས་ནི།། མཚན་མའི་དངོས་པོ་ཀུན་ལས་འདས།། བློ་ཡི་ཡུལ་དུ་དེ་མ་གྲུབ།། དེ་ལ་དམིགས་ནས་དེ་དོན་བསྐྱེད།། དེ་ཕྱིར་དེ་ལ་ངོ་མཚར
261a4 ཆེ།། དེ་ཉིད་དེ་ཡུལ་མ་ཡིན་ན།། དེ་དོན་ཐབས་དང་བྲལ་བའི་ཕྱིར།། མཚོན་བྱེད་ཐབས་ཀྱི་མན་ངག་བསྟན།། རྟོག་པའི་རིམ་པ་བློ་ལ་བསྐྱེད།། དེ་ཕྱིར་གཞི་ནས་མ་གཡོས་པས།། མཐར་ཕྱིན་གཞི་ལ་གཡོས་པ
261a5 མེད།། ཅེས་གསོལ་ཏོ།། རིག་པ་ནམ་མཁའ་ལྟར་གསལ་བའི་རྒྱུད་ལས། ཐེག་པའི་ཁྱད་པར་ཆེ་བ་བསྟན་པའི་ལེའུ་སྟེ་བདུན་པའོ།། །། དེ་ནས་ཡང་སྤྲུལ་པའི་སྤྲུལ་པ་དེས་འདི་སྐད་ཅེས་གསོལ་ཏོ།། བླ་མ
261a6 མཁས་པ་རྟག་ཏུ་རྟེན།། དམ་པའི་དོན་དུ་དེ་ལ་འདུན།། བསམ་པའི་ཡེ་ཤེས་གོམས་པར་བྱ།། ཉམས་བླངས་བསམ་པས་གཟུང་བའི་བློ།། ཟད་འགྱུར་མི་རྟོག་གསལ་མཐར་ཕྱིན།། འགྱུར་མེད་རང་གསལ་གྱི་ན
iiif viewer powered by OpenSeadragon
