| e-texts navigator |
| Wylie |
260b1 གསལ་ལ།། མི་འགྱུར་འགྱུར་མེད་ཡེ་ཤེས་གསལ་བར་གནས།། འཇིག་རྟེན་བྱ་བས་བསྒྲུབ་མི་བྱེད།། ཀུན་ལ་སྙོམས་པའི་ཐུགས་ཀྱི་གནས།། འགྲོ་དོན་མཛད་དང་ཉམས་པ་མེད།། ངེས་པའི་ཡེ་ཤེས་མ་རྙེད
260b2 བར།། ཆགས་སྡང་ཞེན་པའི་ལས་མི་བྱེད།། སེམས་ཉིད་བླང་དོར་འཛིན་མེད་ཀྱང་།། ལྷག་པའི་སྤྱོད་པ་གཙོ་ཆེར་འཛིན།། དེ་ཉིད་དོན་ལྡན་ལེགས་པ་ཆེ།། སེམས་ཉིད་དག་པ་རྡེང་བྱས་ན།། ཐོས་བསམ་མི་བྱེད་བློ
260b3 འཕངས་དམའ།། འདུ་བྱེད་ལས་ཀྱི་རྗེས་སུ་འབྲང་།། མཁས་འདོད་སོགས་སུ་མི་འཛིན་ལ།། རྣ་བརྒྱུད་མི་རྟེན་མཁའ་འགྲོ་འདྲ།། སྲོག་ཕྱོར་བཙལ་ཞིང་ལས་ལས་བྱུང་།། བསྐལ་པ་གྲངས་མེད་སྔོན་རོལ
260b4 ནས།། སེམས་ཀྱི་དོན་ལ་སྦྱངས་སྦྱངས་པས།། མན་ངག་རྒྱལ་འཐེབ་གཅིག་ལ་བསྟན།། བླ་མའི་བདུད་རྩི་བཀའ་ཡི་བཅུད།། སྣོད་ལྡན་ངང་ཚུལ་བཟང་ལ་བསྟན།། ཅེས་གསོལ་ཏོ།། རིག་པ་ནམ་མཁའ་ལྟར་གསལ
260b5 བའི་རྒྱུད་ལས། དམ་ཚིག་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་སྤྲུལ་པའི་སྤྲུལ་པས་དེས་འདི་སྐད་ཅེས་གསོལ་ཏོ།། སྡེ་ལྟར་སེམས་ཀྱི་རང་བཞིན་ནི།། ཟླ་བའི་དཀྱིལ་འཁོར་མ་འཕྲོས་ལྟར།། མ
260b6 འདྲེས་གསལ་ཕྱིར་དེ་དང་འདྲ།། ཀུན་གྱི་རང་བཞིན་དེ་རུ་གཅིག། གཅིག་པས་མ་འཕྲོས་ཐ་དད་སྣང་།། ཨེ་མ་རང་སྣང་ཡེ་ཤེས་ས།། དེ་ཕྱིར་དེ་ལ་ངོ་མཚར་ཆེ།། རྒྱུ་ཡིས་མ་བསྐྱེད་རང་བཞིན་འབྱུང་།། རྐྱེན་གྱིས་མ
iiif viewer powered by OpenSeadragon
