| e-texts navigator |
| Wylie |
260a1 སྤངས་ལྷུན་གྱིས་གནས།། རིག་པ་ནམ་མཁའ་ལྟར་གསལ་བའི་རྒྱུད་ལས། རིག་པ་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་སྤྲུལ་པའི་སྤྲུལ་པ་དེས་འདི་སྐད་ཅེས་གསོལ་ཏོ།། སྐྱེ་མེད་སྐུ
260a2 མ་ལྷུན་གྲུབ་ལ།། ཡོན་ཏན་འབྲས་བུ་ལྷུན་གྲུབ་གནས།། ལྷུན་གྲུབ་སྒྱུ་མ་སྐྱེ་མེད་ལ།། བཙལ་མེད་རིག་པའི་ཡེ་ཤེས་ལྔ།། བཙལ་བ་མེད་པར་ཀུན་ཏུ་ཤར།། མི་གནས་ཐུགས་ལ་ཕྱི་ནང་མེད།། སྟོང་པའི་ཡེ་ཤེས་རྐྱེན
260a3 དང་བྲལ།། གསལ་བའི་ཡེ་ཤེས་ཆེན་པོ་ནི།། ཤེས་བྱ་ཐམས་ཅད་བསལ་མེད་ཤར།། རྟག་པ་སེམས་སུ་ཤེས་པ་ལ།། བཟང་ངན་ཆེ་ཆུང་བླང་དོར་མེད།། ཤེས་བྱའི་དོན་ལ་མ་འདྲེས་གསལ།། ཐུགས་རྗེའི་མཚན་མ
260a4 ཀུན་ཏུ་འཆར།། མ་བཅོས་ཡེ་ཤེས་ཆེན་པོ་ལ།། ཆོས་ཚུལ་མི་ཟད་རྒྱ་མཚོ་འདྲ།། རང་རིག་ཡུལ་གྱིས་བསྐྱེད་པ་མིན།། རྒྱུ་མེད་བསྐྱེད་པའི་ཡེ་ཤེས་མིན།། རྩོལ་བ་མེད་པས་རྒྱུ་དང་བྲལ།། ནམ་མཁའ་ལྟ་བུའི་ཡེ་ཤེས
260a5 ལ།། ནམ་མཁའ་ལྟ་བུར་ཡེ་ནས་བད་ལ།། ལྷུན་གྱིས་གྲུབ་པའི་འབྲས་བུ་ཡིན།། ཅེས་གསོལ་ཏོ།། རིག་པ་ནམ་མཁའ་ལྟར་གསལ་བའི་རྒྱུད་ལས། ཡེ་ཤེས་ལྔ་བསྟན་པའི་ལེའུ་སྟེ་ལྔ་པའོ།། །། དེ་ནས་ཡང་སྦྲུལ
260a6 པའི་སྤྲུལ་པ་དེས་འདི་སྐད་ཅེས་གསོལ་ཏོ།། མ་འོངས་དུས་ཀྱི་གང་ཟག་དག། རྒྱུད་ཀྱི་དོན་ལ་མི་མཁས་ཤིང་།། རལ་ཆོད་གཟུ་ལུམས་བྱེད་པའི་ཕྱིར།། བརྩེ་བས་དོན་འདི་བརྗོད་པར་བྱ།། བཅོས་མེད་ཡེ་ཤེས་རང
iiif viewer powered by OpenSeadragon
