| e-texts navigator |
| Wylie |
25b1 བཀའ།། ཡིན་པས་ང་ཡི་བཀའ་དང་འཐུན།། ཐམས་ཅད་སེམས་སུ་འདུས་པས་ན།། སེམས་མ་ཡིན་པའི་ཆོས་མི་སྣང་།། ཇི་ལྟར་སྣང་བའི་ཆོས་རྣམས་ནི།། སེམས་ལ་སྣང་ཕྱིར་སེམས་ཡིན་ཏེ།། ཐམས་ཅད་རང་རིག
25b2 བྱང་ཆུབ་སེམས།། དེ་ནི་ལུང་གི་ཚད་མའོ།། དེ་ཕྱིར་སེམས་ལུང་ཆེན་པོ་ཡིན།། ཐམས་ཅད་སེམས་སུ་གཏན་ལ་དབབ།། དེས་ན་ཐམས་ཅད་སེམས་ཡིན་ཏེ།། འཛིན་པའི་ཤེས་པ་ཡོད་པའི་ཕྱིར།། ཚོར་བ་ཉམས་སུ
25b3 མྱོང་བའོ།། རིག་པས་ཉམས་སུ་མྱོང་ཙམ་ན།། ཡིད་ཆེས་རིག་པའི་གཏན་ཚིགས་སོ།། རྣམ་གསུམ་ལུང་གི་ངོ་བོ་ནི།། སེམས་ཉིད་རིག་པའི་ཆོས་ཡིན་ནོ།། ངོ་གཅིག་སྣང་ཚུལ་ཐ་དད་ཡང་།། ཐ་དད་མཐོང་བ་བརྟགས
25b4 པ་སྟེ།། བག་ཆགས་ལོགས་པས་སྐྱུགས་ཙམ་ན།། སེམས་ཀྱང་ལོག་པར་སྣང་བ་སྟེ།། དུང་ལ་སེར་པོར་མཐོང་བཞིན་དུ།། དུང་ལ་སེར་པོར་མ་གྲུབ་པར།། མི་གསེར་རྐྱེན་གྱིས་ལོག་པར་སྣང་།། དུང་ལ་སེར་པོ་ཡོད
25b5 ན་ཏ།། མ་འཁྲུལ་ཤེས་པས་མཐོང་བར་ཐལ།། དེ་བཞིན་ཞེན་རྟོག་འཁྲུལ་པ་ཡིས།། བརྟགས་པ་སྣ་ཚོགས་དག་ཏུ་མཐོང་།། དཔེར་ན་ཕུག་རོན་སྐེ་ལྟ་བུ།། དང་པོ་མཚན་མའི་རང་རིག་སྟེ།། གཉིས་པ་མེད་པའི་རང
25b6 རིག་ཡིན།། གསུམ་པ་གཉིས་ཀ་མེད་པ་དེ།། མཚན་གཞི་མེད་པའི་མཚན་གཉིས་ནི།། མི་སྲིད་མེ་མེད་ཚ་བ་བཞིན།། ཤེས་པ་སྐྱེ་ལུགས་གསུམ་ཡིན་ཏེ།། རྟོག་པ་དང་པོ་ཆོས་པ་ཡིས།། གཉིས་པ་རང་བཞིན
iiif viewer powered by OpenSeadragon
