| e-texts navigator |
| Wylie |
25a1 རྗེ།། བདག་ཏུ་འཛིན་པས་གཞི་ལ་ལྟ།། ཡེ་ཤེས་ཕྱི་ནང་མེད་པ་ལ།། ཕྱོགས་རིས་བྱེ་བས་ཕྱོགས་ཆར་ལྷུལྟུང་།། བདག་མེད་བདག་ཏུ་ལྟས་པས་འཁྲུལ།། བདག་འཛིན་མེད་པའི་ཡེ་ཤེས་ནི།། ཕྱི་ནང
25a2 ཟ་ཐལ་ཆེན་པོ་ལ།། ཕྱོགས་སུ་ལྟས་པས་གྲུབ་པ་མེད།། དེས་ན་ཡེ་ཤེས་གསང་བ་ཡིན།། རྟག་ན་ཡེ་ཤེས་ཆེན་པོར་རྟག། ཆད་ན་འཁོར་བ་རྩད་ནས་ཆད།། བྱིང་ན་ཆོས་ཀྱི་དབྱིངས་སུ་བྱིང་།། རྒོད་ན་ཡེ་ཤེས་རོལ
25a3 པར་རྒོད།། ཅེས་བཀའ་སྩལ་ཏོ།། གསལ་བ་མཐའ་དང་མཉམ་པ་ལས། ལོག་པ་གསུམ་ལ་གསང་བའི་ལེའུ་སྟེ་བདུན་པའོ།། །། དེ་ནས་སེམས་ལྷག་ལྷ་ཡི་བུས།། གསང་བའི་བདག་ལ་འདི་སྐད་གསོལ།། ཡེ
25a4 ཤེས་གསང་བ་ཐུགས་ཀྱི་མཛོད།། ཀུན་ལ་གསང་བ་ཇི་ལྟར་རྟོགས།། ཞེས་ཞུས་པ་དང་། གསང་བའི་བདག་པོས་བཀའ་སྩལ་པ།། ཡེ་ཤེས་གསང་བའི་རང་བཞིན་ལ།། སྒྲ་དང་ཐ་སྙད་ཀུན་འདས་ཀྱང་།། སྣོད་ལྡན
25a5 རྟོགས་པར་འདོད་པ་ཡིས།། གཏན་ཚིགས་ཚད་མ་གསུམ་གྱིས་ནི།། དེ་རྒྱུད་རྟོགས་པའི་རོལ་པར་བཤད།། བྱ་བྲལ་ལུང་དང་རིག་པའི་ཉམས།། བླ་མ་དམ་པའི་གདམས་ངག་གསུམ།། ཡེ་ཤེས་གསང་བ་རྟོགས་པའི
25a6 མཆོག། མཁའ་གསལ་བྱང་ཆུབ་སེམས་ཀྱི་ལུང་།། སྣང་སྲིད་སེམས་སུ་གཏན་ལ་འབེབས།། ཡེ་ཤེས་གསང་བའི་ངོ་བོ་སྟོན།། བདག་ཉིད་གསང་བའི་དཀྱིལ་འཁོར་འཆར།། ལུང་གསུམ་སྣང་བས་སྟོན་པའི
iiif viewer powered by OpenSeadragon
