| e-texts navigator |
| Wylie |
259b1 རྣམས།། བདག་མེད་རང་སྣང་འབྲས་བུར་ཤར།། སྟོན་པ་དྲུག་གི་མཛད་པར་ཤར།། གང་ཟག་བློ་ལ་འཚམས་ཕྱོགས་སུ།། གང་དང་ནམ་མཁའ་ལྟར་གསལ་བའི་རྒྱུད་ལས། སྐུ་གསུམ་དབྱེ་བའི་ལེའུ་སྟེ་གསུམ
259b2 པའོ།། །། དེ་ནས་ཡང་སྤྲུལ་པའི་སྤྲུལ་པ་དེས་འདི་སྐད་ཅེས་གསོལ་ཏོ།། ཐམས་ཅད་རང་རིག་རྐྱེན་དང་བྲལ།། སྣང་བའི་ཆོས་སུ་བཏགས་པ་རྣམས།། དེ་ལ་དེ་དག་ཡོད་མ་ཡིན།། དེ་ལ་དེ་དག་ཡོད་པ
259b3 ན།། མཉམ་པའི་དོན་ལ་ཅིས་མི་མཐོང་།། དེ་ལ་དེ་མེད་དེ་མཐོང་འཁྲུལ།། དངོས་པོའི་ཆོས་ལ་འཁྲུལ་པ་བཞིན།། དེ་ལ་དེ་ཡོད་བདེ་བར་ན།། དེ་ལ་བདེན་པར་ཅིས་མི་མཐོང་།། དེ་ཕྱིར་དེ་དག་འཁྲུལ་པར
259b4 སྣང་།། དེས་ན་རང་རིག་རྐྱེན་དང་བྲལ།། དེ་རྐྱེན་བྱེ་བྲག་བཞིན་ཏུ་གནས།། དང་པོ་གཉིས་པ་གསུམ་པ་བཞི།། ཐ་དད་བཞི་པ་ལྷུན་གྱིས་གྲུབ།། མ་བཅོས་རང་སྣང་ཆུ་ཟླ་འདྲ།། དངོས་གཞི་ངེས་མེད་གཟུང་བ
259b5 མེད།། ཐམས་ཅད་བྱང་ཆུབ་སེམས་ཀྱི་ལུང་།། རྟོགས་པའི་རྨི་ལམ་ཆོས་ཉིད་འདྲ།། ནམ་མཁའ་ལྟ་བུའི་ཚུལ་དུ་གནས།། མ་བགྲོད་ཅིག་ཆར་འཇུག་པའི་ས།། གང་ལྟར་སྤྱད་ཀྱང་གཡོས་པ་མེད།། རྟོགས་པ་སེམས་སུ
259b6 ཤེས་པ་ལ།། ཡེ་ཤེས་བྱེ་བྲག་བསམ་མི་ཁྱབ།། རིག་པའི་ཤེས་པ་རིག་པའི་ཉམས།། དང་པོ་གཉིས་པ་གསུམ་པ་བཞི།། རྒྱ་མཚོ་དཔེ་ཡི་ཚུལ་གྱིས་བསྟན།། རྣམ་རྟོག་ཅིར་ཡང་མི་ལྟ་དྲང་བའི་དོན།། ཟིན་པའི་ནད
iiif viewer powered by OpenSeadragon
